СУНТААР УЛУУҺУГАР ТУТУУ БЫЛАҺААККАЛАРЫГАР ҮЛЭ КҮРГҮӨМНЭЭХТИК БАРАР

СУНТААР УЛУУҺУГАР ТУТУУ БЫЛАҺААККАЛАРЫГАР ҮЛЭ КҮРГҮӨМНЭЭХТИК БАРАР. БАССЕЙНТАН САҔАЛААН, СОЦИАЛЬНАЙ ЭБИЙИЭКТЭРГЭ ТУТУУ ХОНТУРУОЛА КҮҮСТЭЭХ.

Кириэстээххэ Үлэ дьоруойа Владимир Михайлов туруорсуутунан икки этээстээх таас Култуура дьиэтин тутуута саҕаланна.

Федеральнай үбүлээһиннээх, ураты хонтуруолга турар эбийиэккэ билигин 50-тан тахса сыбаайа саайылынна, тутуу матырыйаала кэлэ турар. Ол эрээри, үбүлээһинигэр кыһалҕалар тураннар үлэ хаамыыта бытаан. Тутууну эрэбил үлэһиттэрдээх олохтоох “Андраники” тутуу тэрилтэтэ ыытар.

Улуус баһылыга Анатолий Григорьев былааннаммыт үлэ хайаан да туолуохтаах диэн санаалаах. Онон саҥа эбийиэк кэмигэр тутуллан үлэҕэ киириэҕэ диэн эрэнэбит.

***

Сунтаар улууһун дьаһалтатын пресс-сулууспата