Сунтаар улууһугар 600 кэриҥэ урбаанньыт күннэтэ үлэлиир

Бүгүн С.А. Зверев – Кыыл Уолун аатынан норуот айымньытын киинигэр урбаанньыттары эҕэрдэлээтилэр. Тэрээһини улуус дьаһалтатын экономикаҕа салаата уонна “Мой бизнес” офис тэрийэн ыыттылар. Манна тустаах дьон наҕараадалары туттулар уонна семинар быһыытынан анал үөрэҕи ыллылар.

Улууска барыта 600 кэриҥэ оччугуй уонна орто бизнеһинэн дьарыктанар урбаанньыт баар. Кинилэр чуолаан тыа хаһаайыстыбатын, туризм эйгэтин, атыы-эргиэн инфраструктуратын сайыннарыыга үлэлииллэр. Тэрээһин кэмигэр бэйэ дьарыгын сатабыллаахтык туһанааччылар кэрэ оҥоһуктарын быыстапкаҕа туруордулар.

Предпринимателлэр улуус социальнай-экономическай сайдыытыгар кылааттара сүҥкэн. Элбэх киһиэхэ үлэ миэстэтин таһааран нэһилиэнньэ бигэ туруктанар. Норуот хаһаайыстыбатын эйгэтин тупсараллар, хаачыстыбаҕа үлэлииллэр. 

***
Сунтаар улууhун пресс-сулууспата