Курс валют
$
63.84
0.18
70.7
0.15
Курс валют
Курс валют
$
63.84
0.18
70.7
0.15
Меню
Поиск по сайту

Сунтаар уйгулаах Үрүҥ Тунах Ыһыаҕа ыытылынна

22.06.2019 11:41 0
Сунтаар уйгулаах Үрүҥ Тунах Ыһыаҕа  ыытылынна

Бэс ыйын 20-21, Олоҥхо дойдутун Ытык күннэрин – Сунтаар уйгулаах Үрүҥ Тунах Ыһыахпытын үөрүү-көтүү өрөгөй аргыстаах ыытылынна.

Төрүт сирбитигэр төрүт үгэһинэн айгыр-силик алгыс ылан Аар Айыыларбытыгар сүгүрүйэ, ыраастанан, сүрбүт куппут күүһүрэн алҕана түмүстүбүт.

Быйылгы ыһыахпытыгар улуус албан ааттаах чулуу дьонугар

  • Үлэ Кыһыл Знамята уордьан кавалера , РФ үтүөлээх экэнэмииһэ, СӨ норуотун хаһаайыстыбатын үтүөлээх үлэһитэ, «Хотугу Сулус» уордьан бастакы кавалера, Сунтаар улууһун, Дьокуускай куорат Бочуоттаах олохтооҕо В. Г. Павлов 90 сыла

• Леонид Андреевич Попов 100 сыла                                                                                        

• Иннокентий Семенов 95 сыла

• Иван Иванов -Уйбаан Нуолур 90 сыла

• Эдуард Соколов – Тулусхан 75 сыла

•      Наталья Михалева – Сайа 55 сааһа  үбүлүөйдэрин бэлиэтээн быыстапка тэрийдибит. 

Өр сылларга бэрт бэриниилээхтик үлэлээн-хамсаан кэлбит дьоммутугар Ил Түмэн депутата Андрей Николаев Ил Түмэн  анал наҕараадаларын туттартаата.

Уйгулаах ыһыахпыт бэрт сэргэхтик ааста, ол курдук араас тэрээһиннэр ыытылыннылар: Ытык күнү уруйдаан, саамал кымыс иһиитин сиэрин-туомун толордубут, дархан этээччилэрдээх муҥутуур добун оһуокай төрүттэннэ, талба талааннаахтарга  көрүү-күрэстэр, быһыйдар-сымсалар Өбүгэ оонньууларын күрэстэрэ, Саха төрүт аһын көрүүтэ,  ат сүүрдүүтэ уонна  айар талааннаах кэргэннии дуэттар «Эйигин кытары үрүҥ түүҥҥэ» диэн эҕэрдэ концерт ыытылынна.

Биир дойдулаахтарбыт, киэн туттар биллиилээх дьоммут Матвей Евсеев, Андрей Николаев, Виктор Омуков, Наталья Михалева,  Изабелла Борисова дойдуларын үтүө сырдык күүстэрин, Сир Ийэбит силигилээн, ситэн турар кэмигэр ыалдьыттаан бардылар.

Мииринэй куорат уонна Ньурба улууһун делегациялара, ону таһынан ыраах тас дойдуттан Францияттан сылдьар ытык-мааны ыалдьыттарбыт сахалыы налыччы олорон, иһийэн, иэйэн Аарыма алгыһы истэн Улуу тунах ыһыахпыт Уруйдаах аһыллыытын көрдүлэр.

Ыраахтан-чугастан кэлбит ытык-мааны ыалдьыттарбытыгар барҕа махталбытын биллэрэбит! Сырдыгы, үтүөнү, кэрэни баҕарабыт!

***

«Сунтаар улууhа (оройуона)» муниципальнай оройуон дьаһалтатын пресс – сулууспата

Оставить комментарий