Дьокуускай куоракка  буола турар Уһук Илиҥҥи форум кыттыылаахтара

Сэтинньи 27 күнүгэр, Сунтаар улууһун Аҕа баһылыга Анатолий Григорьев Саха Өрөспүүбүлүкэтин Тутуутун миниистирин Павел Аргунову кытары көрсөн Сунтаар нэһилиэгэр 240 миэстэлээх детсад тутуутун уонна инники барыахтаах тутуулар былааннарын быһаарыстылар.

Ол кэнниттэн, Анатолий Григорьев Дьокуускай куоракка  буола турар Уһук Илиҥҥи “Умный город – комфортная среда для жизни” диэн форумҥа кыттыыны ылла.

Пленарнай мунньахха СӨ Ил Дархана Айсен Николаев, РФ Бырабыыталыстыбатын бэрэссэдээтэлин солбуйааччы – РФ бэрэсидьиэнин Уһук-Илиҥҥэ боломуочуйалаах бэрэстэбиитэлэ Юрий Трутнев, РФ ОДьКХ уонна тутуу миниистирэ Владимир Якушев уонна РФ Уһук Илини уонна Арктиканы сайыннаарыы миниистирэ Александр Козлов баар кыһалҕалары быһаарар чопчу этиилэри киллэриэхтэрэ.

Форум кыттыылаахтара сессияларга, пленарнай мунньахтарга, быыстапкаларга, семинардарга уонна маастар-кылаастарга сылдьыахтара.

***

«Сунтаар улууһа (оройуона)» муниципальнай оройуон дьаһалтатын пресс-сулууспата