Спиридон Борбуев Аан дойду Кэрэ аҥардарын күннэринэн эҕэрдэлиир
Сир симэҕин киэргэтэр, уу нууралын уоскутар, Уолан сүрэҕин долгутар үөрэх эйгэтин кэрэ аҥардара, үөрэнээччилэрбит ийэлэрэ, эбээлэрэ уонна дойду бары дьахталлара!
Эһигини бүгүҥҥү бастакы сааскы бырааһынньыгынан, Аан дойду Кэрэ аҥардарын күннэринэн ис сүрэхпиттэн эҕэрдэлиибин!
Дьахтар олоҕу бэлэхтиир, сиэри-майгыны тутуһууну, дьиэ кэргэҥҥэ эрэллээх сыһыаны харыстыыр, алаһа дьиэ сылааһын, этэҥҥэ буолуутун түстүүр аналлаах. Бүгүн биһиги киниэхэ айылҕаттан амарах сыһыанын, оҕолорун уонна чугас дьоннорун тустарыгар сыралаах кыһамньытын, бэриниилээх тапталын уонна эрэлин иһин истиҥ махталбытын тиэрдэбит.
Бу күн хас биирдии дьиэ ахсын тапталлаах ийэлэрин, эдьиийдэрин, балыстарын, кэргэннэрин, кыргыттарын итиитик-истиҥник эҕэрдэлииллэр. Баҕарабын эһиэхэ алаһа дьиэ сылааһын, бары саҕалааһыннаргытыгар ситиһиилэри, чугас уонна күндү дьоҥҥут истиҥ сыһыанын, дьолу-соргуну! Чэгиэн буолуҥ!
***
Спиридон Борбуев, Үөһээ Бүлүү
это прилуга поскачина.
это прислуга поскачина.
Говорят будущий министр образования. Не зря пиарится
Кулуулээх конечно)
Дьокуускайга кэлэртэн аккаастаммыт этэ. Улэьит уол.
Хата биир сахалыы эҕэрдэ баар эбит
Испирдиэн маладьыас. Үлэһит, актыыбынай уол. Үүнэр-сайдар кэскиллээх ыччат.