СӨ үрдүнэн кииннэммит суһал штаб салалтатын кытта улуустар «Коронавирус» инфекциятын утары сүбэ мунньахтаатылар

Сүбэ мунньахха СӨ Ил Дархана Айсен Николаев улуус Аҕа баһылыктарыгар обсерватор боппуруоһугар эбии дьиэннэн хааччынарга сүбэлээтэ уонна балаһыанньаны сөпкө өйдөөн, олохтоох нэһилиэнньэ дьиэҕэ олоруу режимын тутуһан сааскы өрөбүллэргэ тыаҕа тахсыы мэктиэлэммэтин иһитиннэрдэ.

Ытык иэстэрин толорон дойдуларыгар кэлэр эдэр ыччаттарга самоизоляцияны тутуһары күүскэ хонтуруоллууру ирдээтэ.

Роспотребнадзор Саха сиринээҕи управлениетын салайааччыта Маргарита Игнатьева «Короновирус» ыарыыннан эрдэ тас дойдулартан кэлбит дьонтон сыстыахха сөп эбит буоллахха, билигин дьиэ ноҥүө сэргэстэһэ олорор дьонтон сыстар буолбуттарын иһитиннэрдэ, онон элбэх квартиралаах дьиэлэргэ санитарнай уборкалааһын күүскэ хонтуруолланарын ирдииргэ бэлиэтээтэ. Доруобуйа харыстабылын эйгэтигэр,  кииннэммит балыыһаларга үлэлиир быраастар уонна сиэстирэлэр чааһынай клиникаларга уонна волонтердааһыҥҥа үлэлээбэттэрин ыйда.

Вахтовай поселокка атын регионнартан үлэлии кэлбит ыалдьыбыт дьонтон анализтары иккистээн ыллылар. Дьокуускай куораттан түмүктэрэ кэллэҕинэ инникитин ылыныллыахтаах миэрэлэр биллиэхтэрэ. Билигин надзорнай органнарга быраастар бэйэни харыстанар противочумнай көстүүм кэтэргэ үөрэтии ыыталлар.