Сиэйэ нэһилиэгин «Радуга» оҕо саада 50 сыллаах үбүлүөйүн бэлиэтиир

Олунньу 14 күнүгэр, кырачааннары сырдыкка сирдиир, кэрэни кэрэхсииргэ иитэр-үөрэтэр «Радуга» оҕо саадын араас сылларга үлэлээбит, дьон-аймах  убаастабылын ылбыт иитээччилэрин Сунтаар улууһун Аҕа баһылыга Анатолий Григорьев, Сиэйэ нэһииэгин баһылыга Алексей Обоюков, үөрэх управлениятын салайааччыта Альберт Иванов, счетнай палата бэрэссэдээтэлэ Ксения Семенова уонна «Биир Ньыгыл Арассыыйа» баартыйа Сунтаардааҕы олохтоох отделениетын исполкомун салайааччыта Борис Уларов эҕэрдэлээтилэр. Үөрүүлээх тэрээһиҥҥэ улуус Аҕа баһылыга Анатолий Григорьев үүнэр көлүөнэни иитэр уонна үөрэтэр үлэҕэ өр сыллаах бэриниилээх үлэтин иһин педагогическай үлэ ветераныгар Людмила Трофимоваҕа «СӨ үөрэҕириитин салаатын Бочуоттаах бэтэрээнэ» бэлиэни туттарда.

Үүнэр көлүөнэни иитэр уонна үөрэтэр үлэҕэ бэриниилээхтэрин иһин «Радуга» оҕо саадын баспытааталыгар Варвара Потаповаҕа уонна «Сарыал» оҕо саадын үлэһитигэр Мария Руфоваҕа үрүҥ көмүс бэлиэлээх «Сунтаар улууһун Аҕа баһылыгын Бочуоттаах грамоталара» туттарылыннылар.

«Радуга» оҕо саадын бэтэрээнигэр Валентина Герасимоваҕа уонна баспытааталыгар Мария Ивановаҕа Сунтаар улууһун Аҕа баһылыгын грамоталарын наҕараадаланнылар.

Өр сыллаах таһаарыылаах үлэтин иһин педагогическай үлэ ветераныгар Ксения Максимоваҕа “Сунтаар улууһун үөрэҕириитин сайдыытыгар кылаатын иһин”  Бочуотунай бэлиэни иҥэрдилэр.

«Радуга» оҕо саадын сэбиэдиссэйин солбуйааччытыгар Любовь Степановаҕа уонна оҕо саадын үлэһитигэр Ольга Максимоваҕа, «Сарыал» оҕо саадын баспытааталларыгар Татьяна Фоминаҕа уонна Вера Меркурьеваҕа «Сунтаар улууһа (оройуона)» муниципальнай оройуон дьаһалтатын Махтал суруктара тутарылыннылар.

Үөрэх управлениятын салайааччыта Альберт Иванов үүнэр көлүөнэни иитиигэ, үөрэтиигэ сүдү кылаатын, өр сылларга сыралаах үлэтин иһин «Радуга» оҕо саадын баспытааталыгар Раиса Илларионоваҕа «СӨ үөрэҕириитин туйгуна» бэлиэни туттарда.

Оҕону  иитиигэ өр сыллаах таһаарыылаах үлэтин иһин «Радуга» оҕо саадын баспытааталыгар Елизавета Тараярова СӨ Үөрэҕириитин министерствотын Бочуотунай грамотатынан наҕараадаланна.

Оҕону оскуола иннинэ үөрэтиигэ өр сыллаах таһаарыылаах үлэлэрин иһин «Радуга» оҕо саадын сэбиэдиссэйигэр Любовь Степановаҕа, «Радуга» оҕо саадын доруобуйаны харыстыыр үөрэтии инструкторыгар Наталья Максимоваҕа, «Радуга» оҕо саадын музыкаҕа салайааччытыгар Марина Хомподоеваҕа, «Радуга» оҕо саадын баспытааталларыгар Лидия Степановаҕа уонна Элеонора Степановаҕа Сунтаар улууһун үөрэҕириитин управлениятын грамоталарынан наҕараадаланнылар.

Педагогическай үлэ ветераннарыгар Елена Афанасьеваҕа, Лариса Семеноваҕа, Елена Барашковаҕа уонна Виктория Фокинаҕа Сунтаар улууһун үөрэҕириитин управлениятын Махтал суруктара туттарылыннылар.

Оҕону оскуола иннинэ үөрэтиигэ өр сыллаах таһаарыылаах үлэлэрин иһин уонна «Радуга» оҕо саадын 50 сыллаах үбүлүөйүнэн оҕо саадын баспытааталларыгар Екатерина Макароваҕа, Арианна Андросоваҕа, оҕо саадын повардарыгар Белла Яковлеваҕа уонна Елена Тараяроваҕа Профсоюзтар комитеттарын Өрөспүүбүлүкэтээҕи Президиумун Бочуотунай грамоталарынан наҕараадаланнылар.