Суолга көрбүт эрэ дьон бары массыынаны хаартыскаҕа хатаан, устан социальнай ситимнэринэн тарҕаттылар. Массыына хаһаайынынан биллэр блогер Владислав Третьяков- Северный Патрик диэн ааттаах «Томс» автоклуб кыттыылааҕа, Кутана нэһилиэгин олохтооҕо буоларын биллибит.
Владислав массыынатын күлүмүрдүү тыктарыаҕын баҕарбыта ыраатта. Ол иһин, эрдэ интернет маҕаһыынтан араас өҥүнэн күлүмүрдүүр гирлянда сакаастаабыт, онтон гарааһыгар аҕыйах кэм иһигэр оҥосто охсубут. Бэйэтэ этэринэн, массыынаҕа 200 миэтирэ уһуннаах гирлянда (2000 лаампа) барбыт. Массыына хаһаайына дьоҥҥо саҥа дьыллааҕы үөрүүнү бэлэхтиэн баҕарбыт санаата туолан өссө да саҥа бырайыактары олоххо киллэрэр санаалааҕын эттэ.
***
Мира АФАНАСЬЕВА
(Хаартыскалары Владислав Третьяковтан, социальнай ситимнэртэн ыллыбыт)
Оставить комментарий