Семен Сюльскай төрөөбүтэ 115 сааһын көрсө

Бүгүн, балаҕан ыйын 7 күнүгэр, педагог-новатор, Саха сирин судаарыстыбаннай, общественнай деятелэ, үөрэҕирии наркома, министрэ Семен Семенович Сюльскай төрөөбүтэ 115 сааһын көрсө кини аатын сүгэр.

Сүлэ орто оскуолатыгар өйдөбүнньүк миитин буолан ааста.

Манна кыттыыны ыллылар Ил Дархан сүбэһитэ Балакшин Георгий Русланович, Ньурба оройуонун дьаһалтатыттан Александров Павел Михайлович, үөрэх управлениетын начальнига Ушканов Федор Федорович,  култуура департаменын салайааччыта Тихонова Розалия Михайловна, Сүлэ нэһилиэгин баһылыга Иванов Дмитрий Юрьевич уонна да атын үлэһиттэр.

Ыалдьыттар Семен Сюльскай чаҕылхай олоҕун, дьоһуннаах үлэтин туһунан истиҥник ахтан туран, үөрэнээччилэргэ үчүгэй үөрэҕи, үлэни, төрөөбүт дойдуга бэриниилээх буолууну баҕардылар.

Ол кэнниттэн ыалдьыттар С.С.Сюльскай бюһугар гирлянда, тыыннаах сибэкки дьөрбөтүн уурдулар. Оскуола коллектива олохтоох автор Раиса Иванова тылыгар, матыыбыгар “Сүүлүскэй убайбыт” диэн ырыаны ыллаан, мустубут дьону долгуттулар. Онтон оскуолаҕа киирэн Семен Сюльскайга аналлаах кылаас чаастарыгар ыалдьыттар кыттыыны ыллылар. Эбиэт кэннэ кини Нымылах диэн төрөөбүт алааһыгар тиийэн, Мэҥэ тааска сүгүрүйүү буолла.

Семен Семенович Сюльскай аатынан анал стипендия Семен Семенович аатынан Сулэ орто оскуолатын национальнай культууратын учууталыгар уонна психологар Попова Ульяна Валерьевнаҕа туттарылынна.

***
Ньурба улууһун дьаһалтатын пресс-сулууспата