Сэрээккэ кыттыылаахтарын улуус баһылыга Алексей Иннокентьев уонна Гаврил Мохначевскай истиҥник эҕэрдэлээтилэр. Бүгүҥҥү сэрээккэни СӨ остуол тенниһигэр хас да төгүллээх кыайыылаахтара, кэргэннии Валерия уонна Константин Владимировтар иилээн-саҕалаан ыыттылар. Дьон эти-сиини уһугуннарар, эрчийэр араас хамсаныылары оҥордулар.
Онтон ыла сарсыардааҥҥы сэрээккэ үгэскэ кубулуйан, өрөспүүбүлүкэ бары улуустарыгар, куораттарыгар ыытылла турар. Бу дьон физическэй култууранан, чэбдигирдэр сэрээккэнэн дьарыктаныыларын үгэскэ кубулутар уонна кинилэри сөптөөх хамсаныылары оҥорорго үөрэтэр соруктаах. Дьон манна үөрэнэн дьиэ кэргэттэригэр бэйэлэрэ оҥорор буолаллар. Сарсыардааҥҥы сэрээккэлэртэн сиэттэрэн, билигин элбэх киһи сарсыарда хаамар, сүүрэр буолла. Биһиги быйыл ыам ыйын 1 күнүттэн саҕалаан ыыппыппыт.
Ньурбаҕа бүгүҥҥү тэрээһин олус үчүгэй, маннык ыытылла туруохтаах. Сарсыардааҥҥы сэрээккэҕэ сүрдэх элбэх киһи кыттыыны ылла. Спорт хайысхатынан үлэлэһэр дьон иилээн-саҕалаан ыыттылар. Онон кинилэргэ махтал буолуохтун!
***
Геннадий АНТОНОВ
Оставить комментарий