Сайыҥҥы кэмҥэ дьон дьиэ-уот туттан, өрөмүөннэнэн, дьиэ үлэтин үмүрүтэр кэмэ

Тутуу сезона ортолоон хас түөлбэ ахсын уһанар тыас-уус эгэлгэтэ. Сологонскайдар дьиэ кэргэн сабыс-сана дьиэлэрэ дьэндэйэн ис-тас оҥоһугун ситэрэллэр. Надежда ыра санаата олоххо киирэн эрэриттэн дьоллоохпун диир.

Хаһаайын сыбааркаһыт идэлээх. Тимири кытта үлэни толору баһылаан техниканы да өрөмүөннүүр, араас кэрэ да оҥоһуктары айан таһаарар. Туппута барыта сатабыллаах буолан номнуо тиэргэннэрин тупсарыыга, хааччыйыыга ылсыбыт.

Сергей Солгонскай ЖКХ тэрилтэтигэр сыбааркаһыттыыр, ону таһынан сакааска үлэлиир. Оттон Надежда нэһилиэккэ солбуллубат бастыҥ парикмахер.

Маннык ураты дьиэлэри эдэр уолаттар тутан-хабан, мындырдаан оҥорон таһаараллар. Маһы кытта үлэ, дьиэни тутуу судургу буолбатах. Аҥардас хары, илии күүһүнэн элбэх дьон баҕа санаатын толороллор. 

Тутааччы Иннокентий Федоров салайыытынан тутуу биригээдэтэ номнуо уопутуран сылга 3,4 дьиэни тутан таһаараллар.

Саҥа дьиэ – олох сайдыыта, уйгу-быйаҥ бэлиэтэ.

***

Пресс-служба МР «Сунтарский район»