Саха Өрөспүүбүлүкэтин күнүн бэлиэтээтилэр

Муус устар 23 күнүгэр, Саха Өрөспүүбүлүкэтин  күнүн бэлиэтиир өрөгөйдөөх тэрээһини Сахабыт сирин былааҕын өрө күөрэтэн, саалаҕа мустубут дьон бука бары сүһүөхтэригэр туран самныбат саргылаах Судаарыстыбаннай гимни доргуччу ыллаан арыйдылар. Үрдүкү трибунаттан улуус Аҕа баһылыга Анатолий Григорьев, улуус депутаттарын Сэбиэтин бэрэссэдээтэлин солбуйааччы Юрий Очосов саха омук сардаҥалаах саргытын туһугар олохторун анаабыт чулуу дьоннорун үтүө ааттарын ахтан-санаан аастылар. 

Тэрээһин үөрүүлээх чааһыгар СӨ  Ил Дарханын уурааҕынан СӨ  үөрэҕириитин сайдыытыгар тус кылаатын, өр сыллаах үрдүк таһаарыылаах үлэтин иһин “СӨ  үөрэҕириитин үтүөлээх үлэһитэ» Бочуотунай аат Сунтаар улууһун үөрэҕириитин муниципальнай уорганын уопсай үөрэхтээһинин отделын сэбиэдиссэйигэр Альбина Николаеваҕа иҥэрдилэр.

Нэһилиэнньэҕэ көрдөрөр-сырдатар үлэҕэ үгүс өҥөтүн,  Сунтаар улууһун имиджин үрдэтиигэ өр сыллаах таһаарыылаах үлэтин иһин СӨ  «Гражданскай килбиэн»  бэлиэнэн «Саха» көрдөрөр-иһитиннэрэр хампаанньа Сунтаардааҕы филиалын салайааччыта Ольга Захарова наҕараадаланна.

СӨ  доруобуйатын харыстабылыгар үрдүк өҥөтүн, өр сылларга нэһилиэнньэ доруобуйата чөл туруктаах буоларыгар таһаарыылаах үлэтин СӨ Ил Түмэнин Бэрэссэдээтэлин махтал суруга Сунтаардааҕы киин балыаһа инфекционнай салаатын медицинскэй сиэстирэтигэр Татьяна Аммосоваҕа туттарылынна.

СӨ муниципальнай  тэриллиилэрин  Сүбэтин Бырабылыанньатын быһаарыытынан Сунтаар улууһугар олохтоох бэйэни салайыныы туруктаах буолуутугар өр сыллаах үлэтин, нэһилиэнньэ чөл туруктаах буолуутугар, улуус социальнай-экономическэй балаһыанньата тупсарыгар үрдүк таһаарыылаах үлэтин иһин «СӨ муниципальнай сулууспатын бэтэрээнэ» Бочуотунай бэлиэнэн Куокуну нэһилиэгин баһылыгын солбуйааччыта Александр Петров наҕараадаланна.

Сунтаар улууһун култууратын уонна духуобунаһын сайдыытыгар үрдүк өҥөлөрүн, өр сыллаах сыралаах үлэтин иһин “Сунтаар улууһун Бочуоттаах олохтооҕо» ааты СӨ култууратын туйгунугар, СӨ үөрэҕириитин туйгунугар, Кутана нэһилиэгин бочуоттаах олохтооҕор Розалия Никифороваҕа иҥэрдилэр.

Сунтаар улууһун социальнай-экономическэй сайдыытыгар улахан кылааттарын, өр сылларга олохтоох бэйэни салайыныыга таһаарыылаах үлэлэрин иһин Сунтаар улууһун Бочуотунай грамоталарынан улуус дьаһалтатын финансовай-казначейскай управлениетын салайааччыта Евгений Егоров, Күүкэй нэһилиэгин дьаһалтатын сүрүннүүр специалиһа Светлана Попова наҕараадаланнылар.

Сунтаар улууһун үөрэҕириитин ситимигэр өр сыллаах, үтүө суобастаах үлэтин, үүнэр көлүөнэни иитиигэ, үөрэтиигэ тус кылаатын иһин Сунтаар улууһун Бочуотунай грамотатынан Сунтаардааҕы 2 №-дээх «Сардаана” оҕо уһуйаанын иитээччитин көмөлөһөөччүтэ Любовь Егорова, Н.М. Родионова аатынан Сунтаардааҕы оҕо дьоҕурун сайыннарар киин педагога Андриан Максимов наҕараадаланнылар.

“Сунтаар улууһун экономикатыгар уонна үбүгэр кылаатын иһин” Бочуотунай бэлиэлэри СӨ сибээһин үтүөлээх үлэһитигэр, Сунтаар улууһун  Бочуоттаах олохтооҕор Галина Николаеваҕа, Сунтаар улууһун  оройуоннааҕы кииннэммит бухгалтерия сүрүннүүр бухгалтерыгар Агафья Григорьеваҕа туттардылар.

Сунтаар улууһун тыатын хаһаайыстыбатын сайдыытыгар улахан кылаатын, өр сылларга сүөһү иитиитигэр үлэлээн үрдүк көрдөрүүлээх ситиһиилэрин ыйан туран, «Сунтаар улууһун тыатын хаһаайыстыбатын сайдыытыгар кылаатын иһин” Бочуотунай бэлиэннэн Бордоҥ нэһилиэгин фермерскай кооперативнай хаһаайыстыбатын салайааччыта Любовь Антипина наҕараадаланна.

Сунтаар улууһугар нэһилиэнньэ доруобуйата чөл туруктаах буоларыгар өр сыллаах таһаарыылаах үлэтин иһин, «Сунтаар улууһугар доруобуйа харыстабылын сайдыытыгар кылаатын иһин» Бочуотунай бэлиэни  Сунтаардааҕы поликлиника функциональнай  эндоскопист бырааһыгар туттардылар Альбина Самойловаҕа.

Сунтаар улууһугар спорт уонна физическэй культура  сайдыытыгар өҥөтүн иһин, улууспут саргыта салалларын туһугар спорт эйгэтигэр кылаатын бэлиэтээн туран «Сунтаар улууһун спордун сайдыытыгар кылаатын иһин» Бочуотунай бэлиэнэн  «Сахаада-спорт» мас тардыһыыга спорт маастара Василий Архипов наҕараадаланна.

Сунтаар улууһун олорор дьиэ коммунальнай хаһаайыстыбатын сайдыытыгар сүдү кылааттарын, өр сыллаах таһаарыылаах үлэлэрин иһин “Сунтаар улууһун промышленнаһын сайдыытыгар кылаатын иһин” бэлиэлэри СӨ олорор дьиэ уот, коммунальнай хаһаайыстыба государственнай унитарнай тэрилтэтин Сунтаардааҕы филиалын машиниһыгар Спартак Ивановка, уонна “Жилкомсервис” ХЭТ механигар Альберт Ивановка туттардылар.

Сунтаар улууһугар авиация сайдыытыгар өр сылларга үтүө суобастаах, үрдүк ситиһиилээх  үлэтин иһин “Сунтаар улууһун промышленноһын сайдыытыгар кылаатын иһин ” түөскэ кэтэр бэлиэнэн СӨ авиациятын бэтэрээнэ Вячеслав Сидоров наҕараадаланна.

Эдэр ыччат хамсааһынын сайыннарыытыгар таһаарыылаах үлэтин иһин Сунтаар улуһуун баһылыгын махтал суруга Күндэйэ нэһилиэгин дьаһалтатын эдэр ыччаты кытта үлэҕэ специалиһыгар Семен Максимовка туттарылынна.

Дьиэ кэргэни өйөөн эдэр ыалларга алаһа дьиэни тэринэргэ сүрүн күүһү ууран СӨ 2020 сылтан 2024 сылга диэри эдэр ыаллары дьиэннэн хааччыйыы судаарыстыбаннай программаннан биир кээмэйдээх социальнай төлөбүрдэри ылар туоһу суруктары улуус Аҕа баһылыгын бастакы солбуйааччыта Николай Александров Сунтаар нэһилиэгин элбэх оҕолооох ыалларыгар Александр уонна Мария Лукиннарга, Тимофей уонна Елена Заболоцкайдарга, Петр уонна Нина Николаевтарга, Алексей уонна Алина Филипповтарга, Владимир уонна Туяра Егоровтар дьиэ кэргэттэригэр, Уһун-Күөл нэһилиэгин элбэх оҕолооох ыалыгар Тимофей уонна Мария Семеновтарга, Кэмпэндээйи нэһилиэгиттэн Андрей уонна Мария Гуриновтарга, Кириэстээх нэһилиэгиттэн Анатолий уонна Каролина Павловтарга уонна Кутана нэһилиэгиттэн Петр уонна Нюргуяна  Потаповтар дьиэ кэргэттэригэр туттарда.

***

“Сунтаар улууhа (оройуона)” муниципальнай оройуон дьаһалтатын пресс – сулууспата