Курс валют
$
92.59
0.02
100.27
Курс валют
Курс валют
$
92.59
0.02
100.27
Меню
Поиск по сайту

Сүөһү аһылыгын бэлэмнээһин тохтообот

01.09.2022 14:02 0
Сүөһү аһылыгын бэлэмнээһин тохтообот

Атырдьах ыйын бүтэһик күннэринээҕи туругунан “Туймаада Агрохолдинг” АУо хаһаайыстыбалара от үлэтин таһынан сиилэс угуутугар, сенаж бэлэмнээһинигэр киирэн сүөһү аһылыгын бэлэмнээһиҥҥэ көхтөөхтүк үлэлии сылдьаллар.


Биллэн турар быйылгы сайын уустуктардаах буолан хаһаайыстыбалар көрдөрүүлэрэ эриэ-дэхси буолбатах. Ол курдук Өлүөхүмэ, Мирнэй улуустарыгар сайын ардахтаах буолан от үлэтигэр мэһэйдэри көрүстүлэр.

Хаһаайыстыбалары биирдиилээн ылар буоллахха, от бэлэмнээһинигэр ордук таһаарыылаахтык “Бөртө” сылгы собуота үлэлии сылдьар. Атырдьах ыйын 29 күнүнээҕи туругунан бу хаһаайыстыба отчуттара 2431 туонна оту бэлэмнээн былааннарын 81% толорбуттар. Былырыын баччаларга 2288 туонна бэлэмнэммит эбит. Онон хаһаайыстыба отчуттара былааннарын толорорго эрэллээхтэр. Итини таһынан хаһаайыстыбаҕа 1700 туонна сиилэс былаан түһэриллибит буоллаҕына 1400 туонна угуллубут. Сенаж бэлэмнээһинигэр көрдөрүү куһаҕана суох. Ол курдук былаан быһыытынан 800 туонна сенаж бэлэмнэниэхтээҕин 736 туонна бэлэмнээн олороллор.

Туймаада Экоферма икки отделениета билиҥҥи туругунан отторун былаанын 77% толорбуттар. Уопсайа 2300 туонна от бэлэмнэниэхтээҕин тэрилтэ үрдүнэн 1774 туонна бэлэмнэммит. Бу тэрилтэҕэ киирэр Нөмүгү отделениета 1009 туонна оттоох, оттон Дьокуускайдааҕы отделение отчуттара 765 туонна бэлэмнээбиттэр. Экоферма ордук болҕомтону сиилэс угуутугар уурар. Быйыл былааннара кырата суох. Ол курдук икки отделениенан 4000 туонна сиилэһи угуохтаахтарын билиҥҥитэ 1829 туонна укпуттар.

Инники этэн аһарбыппыт курдук Өлүөхүмэ улууһугар быйылгы сайын ардахтаах буолан ходуһалар өр ууга сытаннар оттуурга күчүмэҕэйдэр үөскээбиттэрэ. Ол түмүгэр Кладовая Олекмы тэрилтэтэ 152 туонна оттоон былааныттан балачча улаханынан хаалан иһэр. Оту таһынан хаһаайыстыбаҕа 683 туонна сенаж бэлэмнээн бу көрүҥҥэ былаан 40% туолбут.

Агрохолдинг Таатта улууһугар баар тэрилтэтэ Победа ХЭТ быйыл окко куһаҕана суох көрдөрүүлээх. Ол курдук билиҥҥи туругунан хаһаайыстыба 760 туонна оттоох. Былаана 1000 туонна. Онон былаан туолуутугар эрэл баар. Итини таһынан Победалар сиилэс угуутугар ылсан үлэлээн билиҥҥитэ 125 туоннаны укпуттар. Мантан күһүн бу да көрүҥҥэ былааны толорор кыах баар.

Онон агрохолдинг үрдүнэн 5185 туонна от оттоммут. Ону тэҥэ 4004 туонна сиилэс угуллубут уонна 1446 туонна сенаж бэлэмнэммит. Билигин да күн туран биэрдэр эрэ туруоруллубут соругу толорорго кыах баар. Уонна тэрилтэлэр биир бөдөҥ холдиҥҥа киирэллэрин быһыытынан бэйэ бэйэҕэ көмөлөһүү тэрээһинэ ыытыллан кыстыкка сөп буолар аһылыктаах киирэр кыах толору баар.

***

Прокопий Хабаров

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»