Василий Егоров: Ил Дархан 2025 сылы Ийэ дойдуну Көмүскээччи сылынан биллэрбитинэн патриоттуу иитии күүһүрүөхтээх
Саха Өрөспүүбүлүкэтин норуодунай дьокутаата Василий Егоров Ил Дархан Анал этиитин туһунан санаатын иһитиннэрдэ.
«Айсен Сергеевич кэлэр сылы Ийэ дойдуну Көмүскээччи сылынан биллэрдэ. Итинэн сибээстээн оҕолору патриоттуу иитиигэ үлэ күүһүрүөхтээх», – диэтэ Василий Егоров.
«Билигин элбэх табаарыстарбыт, бырааттарбыт, аҕаларбыт, эһэлэрбит анал байыаннай операцияҕа сылдьаллар. Кинилэр биһиги эдэр ыччаппытыгар улахан холобур буолаллар», – тоһоҕолоон эттэ дьокутаат.
«Эр дьон буоларбыт быһыытынан, ыарахан кэм кэллэҕинэ, Ийэ дойдуну хайаан да көмүскүөхтээхпит. Ийэ дойдубут иннигэр иэспитин толоруохтаахпыт», – диэн бэлиэтээтэ Василий Егоров.
***
Ил Түмэн пресс-сулууспата
Не пропустите
Шиномонтаж Левша
Cтоматология 32
Оставить комментарий