Ойуур баһаардарын турууларыгар Сунтаар улууһугар «Ыксаллаах быһыы-майгы балаһыанньата» уһулунна

Атырдьах ыйын 19 күнүгэр, Сунтаар улууһун Аҕа баһылыга Анатолий Григорьев уонна ыксаллаах быһыы-майгы хамыыһыйатын  чилиэттэрэ ойуур баһаардарын турууларын тула сүбэ мунньах ыыттылар.

Бу күннэргэ улууска күүстээх, дохсун ардахтартар түһэн ааспыттарыгар Күүкэй (21 нүөмэрдээх ойуур баһаара), Кэмпэндээйи (22 нүөмэрдээх ойуур баһаара), Күндэйэ ( 23 нүөмэрдээх ойуур баһаара) уонна Хоро нэһилиэктэригэр( 27 нүөмэрдээх ойуур баһаара) турбут баһаардар уоттара уоскуйан «Ыксаллаах быһыы-майгы балаһыанньата» уһулунна, онон сибээстээн уоту  умуруорууга эбии дьоннор көмөҕө эрэйиллибэттэрин туһунан биллэрдилэр. Билигин кэтээн көрөөһүн үлэлэрэ ыытыллар.

Онон, ойуурдар баһаардарын кэтээн көрөөһүн, баһаар салгыы тэнийбэтигэр манабыл үлэтэ, сууллубут мастары хомуйуу, ситэри умуруоруу, огнетушителынан ыстарааһын үлэлэрэ ыытыллаллар.

***

“Сунтаар улууhа (оройуона)” муниципальнай оройуон дьаһалтатын пресс – сулууспата