Оҕо поликлиникатын дьиэтэ өрөмүөннэннэ

Ахсынньы 17 күнүгэр, саҥа тупсарыллан оҥоһуллубут улуустааҕы поликлиника иһинэн үлэлиир оҕо отделениетын дьиэтэ силигэ ситэн аанын тэличчи аһар үөрүүлээх түгэнэ буолла.

Поликлиника ис, тас өттүн өрөмүөнүннээһинэ “Комплексное развитие сельских территорий на 2020-2025 годы” государственнай программа “Современный облик сельских территорий” олоҕуран ыытыллыбыта, онно быйыл балаҕан ыйтан саҕалаан кылгас кэм иһигэр түргэнник уонна хаачыстыбалаахтык Самвел Саакян директордаах «Андраники» тэрилтэ үлэни ыыппыта. Үөрүүлээх тэрээһиҥҥэ үрүҥ халааттаах аанньаллары улуус Аҕа баһылыга Анатолий Григорьев, баһылыгы социальнай уонна имиджевай политикаҕа солбуйааччы Гаврил Еремеев, Сунтаардааҕы киин балыыһа кылаабынай бырааһа Анатолий Назаров уонна Сунтаар нэһилиэгин баһылыгын солбуйааччы Федор Федоров эҕэрдэлээтилэр.

Оҕо отделениетын сэбиэдиссэйэ Айталина Михайлова уонна үлэһиттэр тупсаҕай өрөмүөннээһин бырагыраамматын өйөөбүт СӨ тыатын хаһаайыстыбатын миниистиригэр Александр Атласовка уонна үлэҕэ күүс-көмө буолбут дьоҥҥо махтал тылларын анаатылар уонна кэлбит ыалдьыттарга балыыһа иһинэн экскурсия тэрийдилэр.

***

«Сунтаар улууһа (оройуона)» муниципальнай оройуон дьаһалтатын пресс-сулууспата.