Курс валют
$
72.87
0.14
86.56
0.21
Курс валют
Курс валют
$
72.87
0.14
86.56
0.21
Меню
Поиск по сайту

Ньурбалар Петр Алексеев чемпионатыгар бэлэмнэнэллэр

01.04.2021 13:02 0
Ньурбалар Петр Алексеев чемпионатыгар бэлэмнэнэллэр

Чуукаартан төрүттээх биир дойдулаахтара, саха норуотуттан соҕотох ССРС спордун бочуоттаах маастара, РСФСР үс төгүллээх чөмпүйүөнэ Петр Еремеевич Алексеев кэриэһигэр муус устар 2-4 күннэригэр өрөспүүбүлүкэҕэ XXIV-с төгүлүн хапсаҕайга чөмпүйэнээт Ньурба оройуонун Антоновка сэлиэнньэтигэр ыытыллар.


Чөмпүйэнээт туһунан улуустааҕы физкультура уонна спорткэмитиэт салайааччыта Алексеев Роберт Александрович билиһиннэрэр.

– Бүгүҥҥү күн туругунан 21 хамаанда, 220 киһи кыттыыны ылара сабаҕаланар. Ньурбаҕа ыытылларынан икки хамаанданы туруораран, 11 ыйааһыҥҥа 11-дии киһилээх икки хамаанданы бэлэмнээтибит. Горнай Бэрдьигэстээҕэр буолуохтаах XXI-с Манчаары оонньууларыгар бэлэмнэнэн күрэхтэһии бастакы этаба тохсунньу ыйга ыытыллыбыта, иккис этаптарын Дьокуускай куоракка 20-чэ хонукка сборданан кэллилэр. Сбор кэнниттэн бу күрэхтэһиигэ көстүөҕэ.

Күрэхтэһии Антоновкатааҕы А.И.Пахомов аатынан спорткомплекска көрөөччүтэ суох быһа эфиринэн тахсыаҕа. Күрэҕи эпидемиологическэй режими тутуһуллан ыытыыга бэлэмнэнии үлэтэ барар.

Чөмпүйэнээт тэрээһинигэр Ньурба оройуонун дьаһалтата, улуустааҕы үөрэҕирии управлениета, култуура Департамена, оҕо спортивнай оскуолата быһаччы кыттыыны ылаллар. Абсолютнай чөмпүйэнээккэ 75 киилэҕэ диэри ыйааһыҥҥа анал бирииһи «Күндээдэ» АУО (ген.дириэктэр А.П.Алексеев), 75 үөһээ ыйааһыҥҥа «Ньурба оройуона» МО “LADA Grant” уонна Ньурба оройуонун 11 муниципальнай тэриллии нэһилиэгин дьаһалталара бастаабыттара бириис олохтоотулар, – диэн түмүктээтэ.

***

Ааптар Антонина СЕМЁНОВА

Оставить комментарий    

Россельхозбанк
АЯМ