Курс валют
$
92.37
0.1
99.53
Курс валют
Курс валют
$
92.37
0.1
99.53
Меню
Поиск по сайту

Ньурбаҕа 13 тулаайах оҕо дьиэлэрин күлүүһүн туттулар

12.12.2019 17:36 1
Ньурбаҕа 13 тулаайах оҕо дьиэлэрин күлүүһүн туттулар

Бүгүн, ахсынньы 12 күнүгэр, Ньурба куорат Убайаан микро-оройуонугар 2 этээстээх, 19 кыбартыыралаах таас дьиэ үлэҕэ киирэр тэрээһинэ буолла. Тус сыаллаах федеральнай бырагырааманан 13 тулаайах оҕо кыбартыыраларын күлүүһүн үөрүүлээх быһыыга-майгыга туттулар.


Тэрээһиҥҥэ улуус баһылыга Алексей Иннокентьев, ИСУ салайааччыта-улуус баһылыгын тутууга уонна ОДьКХ-ҕа солбуйааччыта Макар Семенов, Ньурба к. баһылыга Александр Иванов, эпиэкэ отделын үлэһиттэрэ уо.д.а. кытыннылар.

Аалай лиэнтэни улуус баһылыга Алексей Иннокентьев, “Тобул” ХЭТ гендириэктэрэ Владимир Бекренев уонна олохтоохтортон Кристина Казакова быһа кырыйдылар. Истиҥ эҕэрдэ тыллар этилиннилэр. Саҥа кыбартыыралар хаһаайыттарыгар күлүүстэрэ туттарылынна. Итини сэргэ “Тобул” ХЭТ гендириэктэрэ Владимир Бекренев уонна бу тэрилтэ Ньурбатааҕы учаастагын салайааччыта Иван Кондратьев улуус баһылыгын Махталын туттулар. Тутааччылар биригэдьиирдэрэ Мирзарахим Холиков, урбаанньыт Иннокентий Дубинин ИСУ Махтал суругунан бэлиэтэннилэр. Олхтоохтортон харда махтал истиҥ-иһирэх тылларын Кристина Казакова уонна Мария Антонова эттилэр.

 

Бу дьиэ уһун историялааҕынан биллэр. 2015 сылга “Тобул” ХЭТ тыа хаһаайыстыбатын эйгэтин 6 үлэһитэ ирээттэһэн кыттыылаах дьиэ тутуутугар ылсыбыта. Ол эрээри бэдэрээтчит кыаммакка үлэтин толорбот турукка киирбитигэр, улуус баһылыгын тутууга уонна ОДьКХ-ҕа солбуйааччыта Макар Семеновы уонна улуус дьаһалтатын эпиэкэ отделын исписэлиистэрин (салайааччы Валентина Халанникова) кытта уопсай сүбэнэн үөскээбит балаһыанньаттан тахсар суол көстүбүтэ. Федеральнай бырагырааманан тулаайах оҕолору судаарыстыбаттан босхо дьиэнэн хааччыйарга бырагыраама үлэлээн кэллэ. Онон кинилэргэ бу дьиэҕэ кыбартыыралары тутарга быһаарыы ылыллан, “Тобул” ХЭТ-ти кытта сөбүлэҥ түһэрсиллибитэ. Бу 2 үчүгэй өрүттээх: “дольщиктар” кыһалҕалара быһаарыллар, итиэннэ тулаайах оҕолор дьиэлэнэн хаалаллар.

  

Үөрүүлээх тэрээһиҥҥэ кэлбит дьон дьиэ сылааһын, тутуута хаачыстыбалааҕын бэлиэтээтилэр. “Тобул” ХЭТ бэс ыйын 15 күнүгэр диэри дьиэ таһынааҕы территориятын тупсаран оҥоруохтаах уона оҕо былаһааккатын туруоруохтаах.


Бу 2018 сылга дьиэ ылыахтаах тулаайах оҕолор ыллылар. Быйыл олорор дьиэнэн хааччыллыахтаах 10 тулаайах оҕоҕо бу сыл бүтүүтэ кыбартыыраларын “вторичнай ырыынактан”, ол эбэтэр эрдэ тутуллубут дьиэлэртэн атыылаһыахтаахтар.

***

Ааптар: Геннадий АНТОНОВ.

Обсуждение • 1

Добавить комментарий
  1. Патриот

    Как хорошо что есть хорошие новости. Респект Нюрбе!

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»