Курс валют
$
71.88
0.96
78.44
0.65
Курс валют
Курс валют
$
71.88
0.96
78.44
0.65
Меню
Поиск по сайту

Ньурба улууһун үөрэнээччилэригэр планшеттары аҕаллылар

25.04.2020 19:51 0
Ньурба улууһун үөрэнээччилэригэр планшеттары аҕаллылар

Ньурба улууһунааҕы суһал ыстаап быһаарыытынан оҕолор тэйиччиттэн үөрэнэллэригэр анаан ылыллыбыт 150 устуука планшет Ньурбаҕа кэллэ.


Бэҕэһээ Ньурба улууһун баһылыга Алексей Иннокентьев планшеттары улуус оскуолаларын дириэктэрдэригэр элбэх оҕолоох кыаммат ыаллар оҕолоругар тиксэрэллэригэр диэн туттартаата. Маннык дьаһаныы “Дьиэҕэ олорон үөрэнэргэ көмөлөс” аһымал санаа тосхолун чэрчитинэн ыытыллар.

Улуус бүддьүөтүттэн кыра дохуоттаах ыаллар оҕолоругар дистанционнай үөрэххэ тутталларыгар планшеттары ыларга анаан, 1 мөл. 680 тыһ. солк. көрүллүбүтэ. Оскуолаларынан испииһэк быһыытынан сүрүннээн ОГЭ-ни уонна ЕГЭ-ни туттарар 9-с уонна 11-с кылаастар оҕолоругар бэриллэр. Ол иһигэр 43 планшет – 9 кылаас уонна 41 планшет 11 кылаас үөрэнээччилэригэр. Дистанционнай үөрэх бүттэҕинэ бу маллар оскуолалар туһаныыларыгар хаалыахтаахтар.


Санатар эбит буоллахха, коронавирус пандемиятын кэмигэр дьиэлэригэр олорон тэйиччиттэн үөрэнэр оскуола үөрэнээччилэригэр көмпүүтэрдэри уо.д.а. хомуйуу аахсыйатын РФ Стратегическай көҕүлээһиннэрин ааҕыныстыбата, РФ Үөрэҕин министиэристибэтэ уонна “Биир ньыгыл Арассыыйа” баартыйа көҕүлээн саҕалаабыттара. Саха сиригэр бу аахсыйаны “Биир ньыгыл Арассыыйа”, СӨ Үөрэҕин уонна наукатын министиэристибэтэ олоххо киллэрэллэр. Бырагыраама регионнааҕы операторынан Өрөспүүбүлүкэтээҕи ресурснай киин буолар.

Итини таһынан бу аахсыйаҕа биирдиилээн тэрилтэлэр салайааччылара, улуустааҕы дьахталлар Сэбиэттэрэ, дьахтар дьокутааттар эмиэ кытталлар.

***

Ааптар: Геннадий Антонов

Оставить комментарий    

!