Курс валют
$
92.26
0.33
99.71
0.56
Курс валют
Курс валют
$
92.26
0.33
99.71
0.56
Меню
Поиск по сайту

Ньурба улууһун дьаһалтата Күндээдэҕэ отчуоттаата

21.01.2020 13:26 0
Ньурба улууһун дьаһалтата Күндээдэҕэ отчуоттаата

Тохсунньу 20 күнүттэн Ньурба улууһун нэһилиэктэригэр оройуон ситэриилээх былааһын отчуота саҕаланна. Алексей Иннокентьев салайааччылаах бастакы бөлөх Күндээдэ нэһилиэгэр отчуоттаата.


Ньурба улууһун баһылыга Алексей Иннокентьев, баһылыгы 1-кы солбуйааччы Артур Яковлев, тутууга уонна ОДьКХ-ҕа солбуйааччыта Макар Семенов салайааччылаах 3 оробуочай бөлөх тэриллэн нэһилиэктэри кэрийэн үлэлии сылдьаллар.

Алексей Иннокентьев салайааччылаах бөлөх Күндээдэ нэһилиэгэр бэрт таһаарыылаахтык үлэлээтэ. Бастаан салайааччылар нэһилиэнньэни кытары сирэй көрсөн олорон кэпсэттилэр, туһааннаах боппуруостарыгар эппиэттээтилэр, сүбэлэри биэрдилэр. Барыта холбоон 45 киһи сирэй көрсүһүүгэ сылдьыбытыттан 11-рэ аҕа баһылыкка киирэ сырытта.

 
Отчуокка барыта 68 киһи сырытта. Көрсүһүүгэ, мунньахха туруорсубут да кыһалҕаларыттан көрдөххө, нэһилиэнньэни олорор дьиэнэн хааччыллыы, олорор усулуобуйаны тупсарыы, сайыҥҥы өттүгэр паром сырыытын кыһалҕалара долгутар.

 
Итиэннэ Ньурбаҕа үлэлии кэлбит эдэр исписэлиистэргэ улуус өттүттэн тустаах өйөбүл баара эбитэ буоллар диэн Күндээдэ оскуолатыгар ананан кэлбит Татьяна Аммосова баҕа санаатын эппитигэр улуус баһылыга Алексей Иннокентьев: «Санааларгын сааһылаан киллэр, Ньурба оройуонугар “Үөрэҕирии” сыла биллэриллибитинэн, этиигин хаалларыахпыт суоҕа, болҕомтоҕо ылыахпыт”, – диэн эрэннэрдэ.
Инбэлииттэр түмсүүлэрин бэрэссэдээтэлэ Акулина Романова дэриэбинэҕэ 61 инбэлиит баарыттан 12-тэ сытар ыарыһахтарын этэн туран, күнүскү өттүгэр систиэмэ, укуол ылалларыгар ыарахаттары көрсөллөрүн бэлиэтээтэ. Ньурба аатын ааттатар ”Кэскил” үҥкүү ансаамбылын оҕолоро дьарык кэмигэр таһырдьа тахсаллара кэлин доруобуйаларыгар охсуулаах буолуон сөбүн эттэ уонна кулууп иһигэр сылаас туалет туталларын туруоруста. Баһылык бу кыһалҕалары суох гынарга үлэни тута саҕалыылларыгар дьаһал биэрдэ.
Оройуоннааҕы киин балыыһа кылаабынай бырааһын солбуйааччыта Надежда Саввинова сытар ыарыһахтарга медицинскэй көмө дьиэлэригэр тиийэн оҥоһуллуохтаах, онтон суһал көмөҕө наадыйар ыарыһахтар син-биир оройуон балыыһатыгар киириэхтэригэр диэри Күндээдэтээҕи балыыһаҕа куойка миэстэнэн хааччыллаллар диэн эттэ.

 
Олохтоохтор тыа хаһаайыстыбатын, демография, сир боппуруостарын туруорустулар, барытыгар астыннарар хоруйу ылан, мустубут дьон баһылык отчуотун 100% биһирииллэрин биллэрдилэр. Уһуйаан тутуута тэтимнээхтик, инбэлииттэргэ, тыыл бэтэрээннэригэр көмө тиһигин быспакка кэмигэр ыытылла турарыгар улуус баһылыгар Алексей Иннокентьевка уонна кини хамаандатыгар күндээдэлэр улахан махталларын тиэртилэр.

***

Ааптар: Лена Петрова.

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»