Ньурба улууһун тэриллибитэ үбүлүөйдээх 200 сылыгар анаммыт Ыһыах күнэ бигэргэннэ

Бүгүн улуус ыһыаҕын тэрийэр хамыыһыйатын сүбэ мунньаҕын салайан ыыттым. Улууспут тэриллибитэ үбүлүөйдээх 200 сылыгар аналлаах ыһыах бэс ыйын 17-18 күннэригэр ыытыллыаҕа. Улуустан өрөспүүбүлүкэ быйылгы улахан тэрээһиннэрин култуурунай чааһыгар кыттар үҥкүүһүт оҕолор, ыччаттар кытталларын учуоттаан, улууспут ыһыаҕын маннык кэмҥэ болдьоотубут. Бэс ыйын 20-21 күнүгэр өрөспүүбүлүкэтэҕи Олоҥхо ыһыаҕа, бэс ыйын 26 күнүгэр «Азия оҕолоро» Норуоттар икки ардыларынааҕы VIII Спортивнай оонньуу үөрүүлээхтик аһыллыыта былааннанар, бу иннинэ Саха сирин бары улуустарыттан үҥкүүһүт оҕолор тиийэн элбэхтэ бэлэмнэниэхтээхтэр.

Сүбэ мунньахха улуус ыһыаҕын Кэнсиэпсийэтин уонна сценарийын тутулун дьүүллэстибит. Улуустааҕы култуура департаменын салайааччыта Розалия Михайловна Тихонова уонна ыһыах тэрийэр хамыыһыйатын оробуочай бөлөхтөрүн салайааччыларын информацияларын иһиттибит.

***

Источник: Иннокентьев Алексей Михайлович, Ньурба улууһун Аҕа баһылыга