Курс валют
$
75.03
0.16
88.96
0.33
Курс валют
Курс валют
$
75.03
0.16
88.96
0.33
Меню
Поиск по сайту

Ньурба Дьиикимдэтигэр суһал миэрэлэр ылыллаллар

14.07.2020 19:38 1
Ньурба Дьиикимдэтигэр суһал миэрэлэр ылыллаллар

Быйыл өҥүрүк куйаас сатыылаан, эмискэ быстах этиҥнээх ардахтар хоромньулара наһаа улахан. Сорох сирдэргэ сымыыт саҕа кээмэйдээх тобурах түһэн оҕуруоттарын аһыттан мэлийдилэр. Ньурба улууһун Дьиикимдэ нэһилиэгэр от ыйын 13 күнүгэр сарсыарда 6 чааска чаҕылҕан кэмигэр уот ситимин кылгас тиксиһиитигэр аҕыс ыал 11 сүөһүтэ, ыалларынан биир ыалга 3 төбө сүөһү, бииригэр 2 ыанар ынах уокка оҕустараннар улахан хоромньу таҕыста.


Ньурба улууһун тыа хаһаайыстыбатын департаменын салайааччыта Иван Васильевич Егоров манна сыһыаннаан:

“Улуустааҕы ветеринарнай сулууспа уокка оҕустаран өлбүт сүөһүлэргэ акт суруйдулар, тыа хаһаайыстыбатын департамена өлбүт сүөһүлэр төһө ыйааһыннаахтарын, суумалаахтарын, төһө хоромньу тахсыбытын туһунан ыспараапка биэрдилэр. Дьиикимдэ нэһилиэгин дьаһалтата уонна олохтоохторо Арҕааҥҥы уот ситимин салалтатыгар туоһулуур докумуоннары хомуйан ыыттылар.

 
«Ньурба оройуона» МО мунньахтаан, улуус бүддьүөтүттэн ыанар ынахха – 40000 солк., икки сааһыттан үөһээ саастаах субайдарга – 25000, 2 саастарын туола илик кыра саастаах сүөһүлэр иһин 15000 солк. көрүллэригэр улуус баһылыга Иннокентьев А.М. тута көмө оҥорорго этиилээх таҕыста», – диэн иһитиннэрдэ.

***

Ааптар: Антонина СЕМЁНОВА

Обсуждение • 1

Добавить комментарий
  1. Мария

    Пахай, кып кыра суумма дии

Оставить комментарий