Бэҕэһээ, бүгүн күрэхтэр, спортсменнар түһэр сирдэрин кэрийэн көрдүлэр. Барыта 15 олимпийскай спорт көрүҥэ 19 площадканан ыытыллыахтаах. Холобура, Чаппандаҕа – баскетбол, Күндээдэҕэ – дуобат, саахымат, пааркаҕа – пляжнай волейбол уо.д.а.
СӨ физическэй култуура уонна маассабай спорт салайааччытын бастакы солбуйааччыта Андрей Игнатьев, спортивнай обьектары тутууга салайааччы Петр Сивцев, СӨ Спортивнай оонньууларын сүрүн судьуйата Альберт Трофимов бааллар.
Бүгүҥҥү мунньахха оройуон баһылыга Алексей Иннокентьев, күрэхтэр ыытыллыахтаах нэһилиэктэрин баһылыктара, тэрилтэ салайааччылара кыттыыны ыллылар.
Эбии дьон болҕомтотун тардар 42 км марафон көрүҥэ былааҥҥа киирбит.
Барыта 160 судьуйа, 2352 спортсмен, 1500 кэриҥэ культурнай чааһыгар кыттааччылар уонна ыалдьыттар кэлэллэрэ былааннанар.
Мунньахха спортивнай эбийиэктэр тутууларын ыыта сылдьар «Сэттэ», «Нюрбаавтодор» ХЭТ бааллар.
«Сэттэлэр» билигин 25 тутааччылара бетон үлэтигэр сылдьаллар, быйыл стадион 60% бүтэрэбит диэн эттилэр.
ФОК монолитнай, каркаснай үлэтэ эмиэ быйыл бүтүөхтээх.
«Нюрбаавтодор» Чаппандаҕа модульнай спортивнай саала тутуутугар сварочнай үлэтин ыыта сылдьар.
Болҕомтону күрэх ыытыллар сирдэригэр ууруохха наада, уопуттан ылан көрдөххө көрөөччү баппат кыһалҕата сытыытык турар эбит.
Билигин волейбол, мини-футбол, оҕунан ытыы көрүҥнэрин ыытар сир боппуруоһа быһаарыллыан наада.
Спортивнай оонньуулары күрэхтэр эрэ курдук буолбакка, оройуон уопсай сайдыытын: суол-иис, тутуу, тупсарыы бары эйгэтин мэктиэлиир тэрээһин быһыытынан ылыныахтаахпыт диэн эттилэр.
***
Лена Петрова
Оставить комментарий