Курс валют
$
76.47
0.61
90.41
0.94
Курс валют
Курс валют
$
76.47
0.61
90.41
0.94
Меню
Поиск по сайту

Номоххо киирбит аатырбыт тренер Артур ПАХОМОВ суох буолла…

14.10.2020 12:15 0
Номоххо киирбит аатырбыт тренер Артур ПАХОМОВ суох буолла…

Абына-табына тарҕанан сытар нэһилиэктэрдээх, куораттардаах, аҕыйах нэһилиэнньэлээх Саха сирэ дьаҥ ыарыытыттан саамай улаханнык эмсэҕэлээтэ. Бэл, ону официальнай статистика даҕаны бигэргэтэр.  Дьон коронавирустан өлүүтэ эмиэ атын регионнардааҕар, хомойуох иһин, инники баран иһэр.

Бүгүн, Бокуруоп күн, аатырбыт бокса тренерэ Артур Пахомов ковидтан суох буолла диэн куһаҕан сонун тилийэ көттө. Кини аата спорду сэҥээрээччилэргэ улахан ытыктабылы, сүгүрүйүүнү кытары ааттанара.

Артур Пахомов Ньурба улууһун Антоновкатыгар 1954 сыл олунньу 16-гар төрөөбүтэ. Ааспыт үйэ 60-с, 70-с, 80-с сылларыгар Ньурбаҕа спорт бары көрүҥнэриттэн ордук бокса балысханнык сайдыбыта. Артур Пахомов оҕо эрдэҕиттэн спордунан дьарыктаммыта. Биир сыл боксанан дьарыктанаат, 10 кылааска үөрэнэ сылдьан,  «Спартак» уопсастыба күрэхтэһиитигр 1-кы миэстэни ылан турардаах.

Армияҕа сулууспа кэнниттэн, Ленскэйгэ спорт маастара Виталий Малюкаҕа дьарыктанан Саха сиригэр эрэ буолбакка Дальнай Востокка, Сойууска чемпионнаабыта.  1980 сыллаахха ССРС спорка маастар нуорматын толорбута.

Артур Пахомов Дьокуускайдааҕы 1№-дээх педучилищаны, кэлин СГУну бүтэрбитэ. Тренерскэй үлэтин олох эрдэттэн, бэйэтэ спортсменныы сылдьан, 1979 сылтан саҕалаабыта уонна бу тиһэх күннэригэр диэри республика сүүмэрдэммит хамаандатын эрчийбитэ.

Артур Пахомов дьарыктаабыт спортсменнара: 2 — норуоттар икки ардыларынааҕы спорт маастардара, 12 — ССРС уонна Россия спорт маастара,  20 — маастарга кандидат буоллулар.

Георгий Балакшин Пекиннээҕи  Олимпиада боруонса мэтээлин кэппитэ, Европа, Аан дойду чемпиона буолбута. Василий Егоров — Европа, Аан дойду чемпионатыгар кыайбыта, миэстэлэспитэ,  Рио-де-Жанейро Олимпиадатыгар кыттыбыта.

Артур Пахомов — Россия үтүөлээх тренерэ, 2003 сылга Дальнай Восток чулуу тренерин аатын ылбыта, Физическэй култуура уонна спорт туйгуна, «Гражданская доблесть» наҕараадалаах, төрөөбүт нэһилиэгин Бочуоттаах олохтооҕо.

***

Aartyk.Ru

Оставить комментарий