Муус аннынан балыктааһыҥҥа күрэх буолла

Бу өрөбүллэргэ  Таас Арыыга (Марха өрүскэ) Мэҥэдьэктэргэ үгэскэ кубулуйбут муус аннынан балыктааһыҥҥа (мормышка) бэртээхэй күрэх буолла.

Нэһилиэк кыанар өттө 2 тыраахтырынан, бураннарынан киирэн өрүскэ балыктаан, айылҕаҕа сынньанан таҕыстылар. Бу тэрээһиммитин сөбүлээн чугастааҕы нэһилиэктэн, Ньурба куоратыттан дириэктэрдэр ассоциациялара 12 киһилээх хамаанда тэринэн күндү ыалдьыт буоллулар.

Хамаанданан күрэххэ 1 миэстэ — Хатыы орто оскуолатын үлэһиттэрин хамаандата, 2 миэстэ — дириэктэрдэр ассоциациялара, 3 миэстэ Хатыы оскуолатын оҕолоро буоллулар.

“Саамай улахан балык” анал ааты, сордоҥ хаптаран, саамай кыра кыттааччы Григорьев Сарыал, 1 кылаас үөрэнээччитэ, ылла, «Саамай кыра балык” анал ааты Тимофеева Татьяна Ивановна ылла.

***

Матрена Габышева, Мэҥэдьэк