Курс валют
$
92.59
0.02
100.27
Курс валют
Курс валют
$
92.59
0.02
100.27
Меню
Поиск по сайту

Муниципальнай сулууспа үлэтэ-хамнаһа сайдыыга туһулунар

24.04.2023 09:14 3
Муниципальнай сулууспа үлэтэ-хамнаһа сайдыыга туһулунар

Муус устар 21 күнүгэр,  муниципальнай сулууспа үлэһиттэрэ Сергей Зверев – Кыыл Уолун аатынан норуот айымньытын киинигэр күнүс 11 чаастан араас сэргэх тэрээһиннэри ыыттылар. Ол курдук, улуус салайааччыларын мэтириэттэринэн  хартыыналар галереялара турда, бэтэрээн үлэһиттэр төгүрүк остуол тула урукку кэми ахтан-санаан аастылар уонна үүнэр көлүөнэҕэ аналлаах “Диалог с властью” диэн площалкалар үлэлээтилэр.

Манна оскуола үөрэнээччилэрэ салалта, салайааччы үлэтин-хамнаҺын туһунан билистилэр. Улуус баһылыга Анатолий Григорьев, Сунтаар улууһун дьокутааттарын Сэбиэтин бэрэссэдээтэлэ Ульяна Попова уонна тэрилтэ салайааччылара, специалистара оҕолору кытта кэпсэтиилэрэ-сэһэргэһиилэрэ бэрт интэриэһинэйдик ааста.

Эбиэт кэнниттэн үбүлүөйдээх тэрээһин үөрүүлээх чааһыгар улуус баһылыга бэтэрээннэргэ, билигин үлэлии сылдьар сулууспалаахтарга араас таһымнаах наҕараадалары туттарда.

Улуус, республика сайдыытын түстэһэр  муниципальнай сулууспа бары  үлэһиттэрин, Олохтоох бэйэни салайыныы сокуона төрүттэммитэ 20 сылынан эҕэрдэлиибит. Үлэҕит таһаарыылаах, ситиһиилээх буоллун.

***

Сунтаар улууһун дьаһалтатын пресс-сулууспата

Обсуждение • 3

Добавить комментарий
  1. Билэр.

    Тутатына таайдым. Улуус баһылыктарын картиннай галерея гыммытарын иһин. Ол бэйэлэрин харчыларыгар уруһуйдатан бэлэхтээбиттэр дуу, бюджет харчытыгар буолаахтыа буо. Эҥин араас. Һунтаарга 2-3-4 бочка хааны биэрбит донордар, үйэлэригэр хотоҥҥо, сыһыыга үлэлээбит дьон баар аҕай. Онтуктарын хаһан булан көрөөхтүүллэрэ буолла? А так ол бу кэнники 40 сылга администрация үлэтин тугун иһин хайгыаҥый: территорията эрэ Мирнэйгэ, Ньурбаҕа үллэһиккэ барара хаалбытын иһин дуу? Эбэтэр Бүлүү өрүс сүһүрбүтүн иһин алроса харчыта олохтоох омукка үлэлээбэккэ дьон ыалдьан өлөрүн иһин дуу?

  2. Билэр.

    Хата Чурапчылар баһылыктара ким бастакы кус өлөрбүт акаарытыйыыга 15 тыһыынча бириэмийэтин аһара түспэтэхтэр, батыспатахтар диэн искэр арыый өйдөөх соҕус эбиппит диэн үөрэ санаан эрдэххинэ, били тыһы куһунан угуйары Менделеев таблицатын айбытыттан ордук сананан айдаара турар культура үлэһитэ хараххар көстөн кэлэн олох киһи иилэн ылбат дьоно эбиппит диэн билинэргэр тиийэҕин.Ити кырдьык. Ол аата Кэм Эргиирэ кыһылларын кыспытын кэннэ дьиҥнээх хаалбыт көстүүтэ. Ону арай үрдүгэр аныгылыы күһүн идэһэҕэ өлбүт сүөһүнү, саҥа дьыл отчуотугар тыыннаах кумаахыга хаамтарар администрация талаанынан сыбаан мэлдьэһиэ этэ да, поезд ушел, лед тронулся.

    Һунтаар барахсан үлэннэн оргуйар олоҕо бүтэн, орулуур күүгэн буолуо диэн арай ким билбитэ баарай?

  3. Билэр.

    Ити эрээри ырыата эрэ армянскай, Дойдута ДУБАЙ. Атын сиртэн дьон ыллыы кэлэр маанымсыйан. Ким иннэ ыллыа суоҕай? Биһиги киин куораппытын көрүҥ эрэ: өрүс эниэтигэр, үөдэн түгэҕэр турар, барыта өлбүт дьон аата,хараллыбат өлбүт дьоҥҥо памятниктар, үрүт үөһээ дьиэ, боруоста от-мас өстөөх диэх курдук. Ыллыы буолбатах, ынчык мустар дойдутун курдук барыта балыыһа, иһэ бүппэт уочарат, куорат үгүс автобуһун конечнайа медцентр. Дэриэбинэлэр тустарынан этэ да барбаккын.

    Аҕаларбыт Дойдутун кому не лень илдьи хаһан, дэлбэритэ тэптэрэн, үлтү кырган, онтубутугар ВРЕРЕД, киһиргэс, тура-тура дьиэ иһинэн-таһынан кыһыннары-сайыннары тохтоло суох оһуохай, тустуу, куоталаһыы.

    Тоҕо киһиргээбэккэ, куоталаспакка, Айбыт айбытын сиэн, ыһан-тоҕон дьоллоно сатаабакка, ити ОАЭ курдук СИТЭРЭН, ТУПСАРАН хас биирдии киһи дуоһуйа олороро сатаммата буолла?

    ТӨРҮТ ИТЭҔЭЛИН ЫҺЫКТЫБАТАХ САЛАЙАР ЭР ДЬОН АҔАЛАРЫН ДОЙДУТА, ТӨРҮТ ОЛОХТООХ ДЬОНО ДУБАЙ КУРДУК БУОЛУОХТААХ.

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»