Курс валют
$
63.95
0.06
71.13
0.23
Курс валют
Курс валют
$
63.95
0.06
71.13
0.23
Меню
Поиск по сайту

МЭҤЭ ХАҤАЛАСКА «ЫРААС СЭЛИЭННЬЭ» ААХСЫЙАҔА КЫТЫННЫЛАР

17.09.2019 15:37 0
МЭҤЭ ХАҤАЛАСКА «ЫРААС СЭЛИЭННЬЭ» ААХСЫЙАҔА КЫТЫННЫЛАР

Улуустааҕы ыччат бэлиитикэтигэр уонна дьиэ кэргэн дьыалатыгар управление эдэр үлэһиттэрин көҕүлээһиннэринэн  Мэҥэ Хаҥаласка  «Ыраас сэлиэнньэ» диэн нэһилиэк сирин-уотун ыраастааһыҥҥа аахсыйа тэрилиннэ. Аахсыйаны 9 нэһилиэк ыччата өйөөн, үлэ-хамнас  оройуттан тутулунна. 


‒ Биһиги управлениебыт үлэһиттэрэ Аллараа Бэстээх ыччатын көҕүлээн, аахсыйаны маҥнайгынан саҕалаабыппыт, 70-ча куул бөҕү хомуйбуппут.  Аллараа Бэстээхтэн ордук көхтөөхтүк Тырааныспар техникумун, «Алмазэргиэнбанк», Олох-дьаһах коммунальнай хаһаайыстыбатын,  икки оскуола үлэһиттэрэ оттон да атыттар кытыннылар, ‒ диэн улуустааҕы управление сүрүннүүр исписэлииһэ Нарыйа Нестерова сырдатта.

 

Тиэлигигэ ыытыллыбыт ыраастаныы үлэтигэр 50 киһи кыттан, 4 бырысыаптаах массыына бөҕү хомуйбуттар. Дьабыыл нэһилиэгэр субуотунньук иккитэ төхтүрүйэн буолбут, 20 киһи кыттан, 19 мөһөөччүгү сыбаалкаҕа таһаарбыттар, 30-ча киһи көҕөрдүү үлэтигэр хахыйахтары олордубуттар.  Бүтэйдээх нэһилиэгин эр дьоно мустан, Боҕуруоскай Таҥара дьиэтин олбуорун тутууга үлэлээбиттэр, бөҕү-саҕы хомуйууну көҕүлүттэн туппуттар. Лоомтукаҕа аахсыйа киэҥ далааһыннаахтык ыытыллыбыт. Дэкээдэ чэрчитинэн устуоруйаҕа суолталаах сирдэринэн экскурсиялары тэриийии, күрүө тутуута, ыраастаныы тэриллибит. Икки күннээх субуотунньук Тиэлилигэ, ону сэргэ Тумулга, Өлөчөйгө уонна Чүүйэҕэ буолуталаабыт.

 

Тэрийээччилэр, дьон-сэргэ аахсыйаҕа туора туран хаалбакка, бэйэлэрин кылааттарын киллэрсэн, үчүгэйдик үлэлээбиттэрин эттилэр. Аны балаҕан ыйын 20-с чыыһылаларыгар Майа сэлиэнньэтигэр кыһыҥҥыга бэлэмнэнэр улахан үлэлэр ыытыллыахтара.

***

Виктория БЕЛОЛЮБСКАЯ.

Оставить комментарий    

!