Курс валют
$
92.26
0.33
99.71
0.56
Курс валют
Курс валют
$
92.26
0.33
99.71
0.56
Меню
Поиск по сайту

МЭҤЭ ХАҤАЛАСКА «ОЛИМП» ИККИС ТЫЫННАНЫА

30.07.2019 09:58 0
МЭҤЭ ХАҤАЛАСКА «ОЛИМП» ИККИС ТЫЫННАНЫА

Дьаҥхаады нэһилиэгин сиригэр-уотугар ааспыт үйэ 80-с сылларыгар Саха сирин бастыҥ спортсменнара кэлэн күүс-уох ылынан барар «Олимп» диэн бааза баара. «Олимптан» элбэх успуорт маастардара үүнэн-сайдан тахсыбыттара. Аҕам саастаахтар, успуорт бэтэрээннэрэ ону куруук сылаастык ахталлар. Ааспыт сылтан «Саха сирин тимир суоллара» хампаанньа уонна улуус кыттыгас үбүлээһиннэринэн бу миэстэҕэ тутуу үлэтэ тэтимнээхтик барар.


Мэҥэ Хаҥалас улууһун баһылыга Николай Старостин успуорт сайдыытыгар улахан болҕомтону уурар. Онон «Олимп» баазаны хаттаан сөргүтэн, чөлүгэр түһэрэр былааннаах үлэни-хамнаһы ыыттарар. Ааспыт сылтан саҥа дьиэлэри тутуу үлэтэ саҕаламмыта. Үбүлээһини Владимир Шимохин салайааччылаах «Саха сирин тимир суоллара» хампаанньа уонна улуус дьаһалтата оҥороллор.

 

‒  Былырыын «Саха сирин тимир суоллара» хампаанньа 2 мөлүйүөн солкуобай үбү, быйыл эмиэ эбии 2 мөлүйүөн солкуобайы көрүөхтээх. Улуус салалтата 3 мөлүөйүн солкуобайы аныыр, ‒ диэн «Дьаҥхаады нэһилиэгэ» МТ баһылыга Иннокентий Яковлев билиһиннэрдэ. ‒ Урут эдэр спортсменнар эттэрин-хааннарын сайыннаран, Сууллар мырааны дабайан, боротокуоларбытыгар, үрэхпитигэр сөтүөлээн толору күүһү-кыаҕы ылынан барар баазалара иккистээн эргийэн, чөлүгэр түһэриллэриттэн үөрэбит.

 

Улуус баһылыгын социальнай боппуруостарга солбуйааччы Николай Цыпандин, улууска физкултуура уонна успуорт управлениетын салайааччы Константин Захаров, Майатааҕы «Манчаары» успуорт киинин дириэктэрэ Петр Илларионов үлэни-хамнаһы билсэ бара сырыттылар, тутуу күргүөмнээхтик ыытылларын көрдүлэр. Эдэр спортсменнар утуйар куорпустара, аһыыр сир итиэннэ тэҥинэн тириэньэрдэр олорор дьиэлэрэ тутуллар. Сотору стадион, баанньык оҥоһуллаллара, көбүөрдэр ууруллаллара былааннанар. Тутууну күн-бүгүн Уус Алдан улууһуттан кэлбит биригээдэ ыытар. Кинилэр иннилэринэ Бүтэйдээхтэн, Маттаттан, Дьокуускайтан тутааччылар уонна олохтоохтор үлэлээбиттэр.

 

Төхтүргэ ускуустуба оскуолатын, техническэй киин иһинэн, ону тэҥэ Пионерскай аппаҕа байыаннай-патриотическай, Дьокуускайтан «Айыы кыһата» оскуолатын көҕүлээһинэн үлэ лааҕырдара сайын аайы үлэлииллэр. Аны сотору «Олимп» бааза тутуутун үлэтэ этэҥҥэ бүттэҕинэ, эһиилги дьыл сайыныттан тустуунан, буоксанан, волейболунан, футболунан о.д.а. көрүҥнэринэн дьарыктанар оҕолорбут, инникитин улууспут, өрөспүүбүлүкэбит чиэһин көмүскүүр ыччаппыт утумнаахтык дьарыктанар буолуохтара.

***

Ааптар: Виктория БЕЛОЛЮБСКАЯ

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»