Курс валют
$
76.32
0.12
91.31
0.11
Курс валют
Курс валют
$
76.32
0.12
91.31
0.11
Меню
Поиск по сайту

Мэҥэ Хаҥаласка хаарбах дьиэттэн көьөрүү бырагыраамата тэтимнээхтик үлэлиир

19.11.2020 16:24 0
Мэҥэ Хаҥаласка хаарбах дьиэттэн көьөрүү бырагыраамата тэтимнээхтик үлэлиир

“2019-2025 сс. хаарбах туруктаах дьиэттэн дьону көһөрүү” өрөспүүбүлүкэтээҕи бырагырааманан сыллата саҥа дьиэлэр тутуллаллар. Бу үлэ “Дьиэ пуондатын олорорго сөбө суох дьиэлэрин аҕыйатары хааччыйыы” федеральнай бырайыак чэрчитинэн ыытыллар. 2020-2021 сылларга бырагыраама лэтин Мэҥэ Хаҥалас улууһун тутуу управлениетын кылаабынай исписэлииһэ Алексей Федоров иһитиннэрдэ.


– Быйыл Саҥа дьылга диэри Майаҕа икки дьиэ: Исаев аатынан уулусса 3-с нүөмэрдээх дьиэтигэр 63 кыбартыыраттан бастакы “А” блога, ол эбэтэр 23 кыбартыырата уонна эмиэ бу уулуссаҕа 1-кы нүөмэрдээх 56 кыбартыыралаах дьиэтигэр хаарбах дьиэлэртэн олохтоохтор көһөн киириэхтэрэ.

Сэтинньи 17 күнүн туругунан өрөспүүбүлүкэҕэ 64 тыһыынча кв м иэннээх хаарбах туруктаах дьиэттэн уопсайа 3 220 олохтоох көстө, оттон 2 810 киһи 2020 сыл бүтүөр диэри саҥа дьиэ күлүүһүн тутуоҕа.

Аллараа Бэстээххэ 59 кыбартыыралаах дьиэттэн 46 кыбартыыратын күлүүһэ туттарыллар былааннаах.

Эһиилги 2021 сылга барыллаан сайаапканы оҥорбуппут. Майаҕа Исаев аатынан уулусса 3-с нүөмэрдээх дьиэтин “Б” уонна “В” блога, ол эбэтэр хаалбыт 32 кыбартыырата, Аллараа Бэстээххэ икки дьиэ, ону сэргэ Табаҕаҕа, Томторго, Лоомтукаҕа уонна Хорообукка хаарбах дьиэттэн көһүөхтэрэ.

Хаарбах дьиэттэн дьону көһөрүү бырагыраамата Мэҥэ Хаҥалас улууһугар тэтимнээхтик үлэлээн кэллэ. Инникитин өссө элбэх саҥа дьиэ киирэригэр баҕарабыт.

***

Источник: ulusMedia

 

Оставить комментарий