Лоомтукаҕа «Кыыс Ньургун» күрэhэ буолан ааста

⠀⠀1-кы Тыыллыма нэһилиэгэр (Лоомтукаҕа), бэс ыйын 21 күнүгэр Ыһыах түһүлгэтигэр «Кыыс Ньургун» диэн кэрэ аҥаардарга тыҥааһыннаах күөн күрэс буолла.

⠀⠀Күрэхтэһиигэ Мэҥэ Хаҥалас улууһун дьаһалтата 50 тыһ. солк. бириис туруорда. Кыргыттар 100 миэтэрэ уһуну сүүрүүгэ, ойбонтон уулааһыҥҥа, мас тардыһыытыгар, хары баттаһыыга, мэһэй баалкатын кэдэрийэн туорааһыҥҥа, кууллаах кумаҕы сүгэн сүүрүүгэ уонна үс төгүл үс ыстаныыга куоталастылар.

⠀⠀Түмүккэ, Мотя Петрова тэҥнээҕин булбата уонна 25 тыһынча харчынан наҕараадаланна. Аида Петрова иккис миэстэ буолан, 15 тыһыынчаны ылла, онтон Мария Федорова үһүс миэстэҕэ тигистэ уонна 10 тыһ. солкуобайынан наҕараадаланна.

***
Улуус дьаhалтатын пресс-сулууспата