Курс валют
$
92.26
0.33
99.71
0.56
Курс валют
Курс валют
$
92.26
0.33
99.71
0.56
Меню
Поиск по сайту

Лариса Реасовна КУЛАКОВСКАЯ: “Сахалар бас билэр сирдээх буолуохтаахтар”

16.08.2021 12:04 2
Лариса Реасовна КУЛАКОВСКАЯ: “Сахалар бас билэр сирдээх буолуохтаахтар”

Омук сиригэр олорор Сахадиаспора бэрт үчүгэй проектаах – атын сиргэ да, Саха сиригэр да олорор дьону түмэн онлайн кэпсэтиилэри тэрийэр.

Бу сырыыга Сербияҕа олорор Лариса Реасовна КУЛАКОВСКАЯНЫ, Өксөкүлээх Өлөксөй сиэнин кытары, олус  интэриэһинэй, киһи ылларан туран истэр киэҥ, улахан суолталаах, сүбэ-соргу тыллаах кэпсэтии таҕыста. Сэҥээрбит дьон бу кэпсэтиини киирэн көрүҥ.

https://www.instagram.com/tv/CSl6aBJJ5xf/?utm_medium=copy_link

Прямой эфир с Ларисой Реасовной Кулаковской

🌿Өксөкүлээх Өлөксөй, Реас Кулаковскай, Саха сирин суруйааччыларын, Саха диаспора, саха литературатын, саха тылын туһунан бу биэриигэ Лариса Реасовналыын долгуйан олорон кэпсэттибит.

❤️Убаастабыллаах Лариса Реасовнаҕа биһи махталбытын тириэрдэбит, баҕарабыт күүстээх доруобуйаны, дьолу, үөрүүнү-көтүүнү уонна туох баар кэрэни! 

⭐️Өссө да инники биэрилэргэ көрсүөхпүт диэн эрэнэбит!

 

Лариса Реасовна тас дойдуга олорор сахалар, Саха сириттэн төрүттээх дьон, миссиялара – норуоппутун аан дойдуга билиһиннэрэр аналлаахпыт буолуо баҕар диэн этэр. Холобур, ыһыаҕы – универсальнай, ол аата историябытын, култуурабытын, үгэспитин көрдөрөр, дьону дьоҥҥо, бизнесмени бизнесмеҥҥэ, политигы политикка, учуонайы-учуонайга, омугу омукка  билиһиннэрэр экономическай, социальнай, политическай суолталаах тэрээһин диир. Сербияҕа ыытыллыбыт ыһыаҕы сонуну киэҥник тарҕатар тэрилтэлэр бары кэпсээбиттэрин, иһитиннэрбиттэрин, көрдөрбүттэрин кэпсиир. Ол ыһыах нөҥүө Сербия култуураҕа, духуобунаска үлэлиир учонайдарын, историктарын, этнографтарын,  суруйааччыларын кытары билсибитин холобурдуур.

Хайаан да классиктарбыт айымньыларын быһа омук тылыгар – сахаттан английскайдыы, сахаттан – дьоппуоннуу, тылбаастыыр  кыахтаах дьону иитэн, бэлэмнээн таһаарыахпытын наада диир. Тылбаасчыт суолтатын туһунан этэр – айымньы хас да тыл нөҥүө тылбаастаннаҕына (сахаттан-нууччаҕа-омук тылыгар) син биир оригиналыттан ханан эмэ да буоллар сымсыыр. Ол иһин быһа тылбаас наада. Оннук специалистар наадалар диир.

Өксөкүлээҕи биһиги сахалар эрэ улуутун билэбит, оттон кини киһи аймахха суолтатын арыйарга, кини айымньыларын тылбаастыахха наада. Бэл, Владимир Солоухин бастаан Өксөкүлээх строканан тылбааһын ааҕан баран – сахалар маннык генийи кистии сыппыккыт диэн сөхпүтүн ахтар. Бэл тыл наукатын специалистара, доктордара билбэттэр, онон тылбаас хайаан да ирдэнэр диир.

Өксөкүлээх Өлөксөй курдук норуота хайдах сайдыан сөбүн ымпыгар-чымпыгар диэри  (ити билигин ааттыыллар дии “дорожнай карта” диэн) суруйан хаалларбыт киһини мин билбэппин диэн Лариса Реасовна этэр (Өксөкүлээх саха интэлиэгинсийэтин суругар этэр). Балык ыытарыттан, сири оҥорууга, үөрэхтээһиҥҥэ тиийэ. Хас биирдии саха бас билэр сирдээх буолуохтаах. Сирдээх киһи – тирэхтээх.

Лариса Реасовна саха норуотун национальнай дьоһунун аан дойдуга көрдөрүөххэ, билиһиннэриэххэ диир. Холобур, атын омук улуу дьонун кытары Өксөкүлээх Өлөксөй үлэлэрин тэҥнээн көрөр икки өттүгэр туһалаах диэн бигэ санаалаах. Сорохтор аахпыккыт буолуо Лариса Реасовна “Едины в помыслах” диэн проегынан Сербияҕа Кулаковскайы билиһиннэрэр үлэ ыытарын, Болгарияҕа кириллица суругун-бичигин музейыгар кини бюһун туруорбуттарын туһунан.

Итинник хабааннаах, төрөөбүт норуотун кэскилин уһансар, кыһаллар, суол тэлэргэ дьулуһар дьоммут кэпсэтиитин киирэн истиҥ, санааҕытын этиҥ диэн өссө биирдэ ссылка ыытабыт.

***

Aartyk.Ru

Обсуждение • 2

Добавить комментарий
  1. не сторонник ассимиляции

    каждый кулик хвалит своё болото однако

  2. Абориген

    Убежали от трудностей, а Ексукулэх не оставил Родину, а умер раньше до того, когда его могли репрессировать и расстрелять как Гаврила Ксенофонтова в 1938 г. в 50 лет

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»