Арктикатааҕы култуура уонна искусство институтун графическай дизайнер идэтигэр үөрэнэр, 2-с куурус устудьуона Венера Павлова дьоҥҥо хартыына уруһуйдуурун туһунан биллэрии тахсыбытын сэҥээрэн, Венералыын кэпсэттим.
Венера Ньурбатааҕы Искусство оскуолатын выпускнига, преподавателэ Марианна Алексеевна Михайлова буоларын туһунан этэр.Үөрэммит Убайаан оскуолатыгар 2018 сыллаахха, нөҥүө сылыгар Искусство оскуолатыгар анал быыстапка тэрийэн ыыппыттарын туһунан ахтан ааста.
-Билигин үөрэнэр үөрэҕим араас хайысхалаах. Ол курдук веб-дизайнер, художник-аниматор, иллюстратор, суулуур хаа, мобильнай сыһыарыыга дизайнер идэлэр киирэллэр. Мин графическай дизайнер үөрэҕэр үөрэнэбин.Үөрэхпин сөбүлүүбүн, чуолаан кыыллары уруһуйдааһын миэхэ ордук табыллар. Каникул кэмигэр А5, А4, А3 форматтарга сакааска уруһуйдуубун,- диэн кылгастык билиһиннэрдэ.
Венера сөбүлээн үөрэнэр идэтигэр ситиһиилэри баҕарабын.
***
Антонина Семенова
Наьаа учугэй уруьуйдар. Тыыннаах курдуктар. Атыылыан Соп эбит. Олоцхо тематын уруьуйдаа. Олоцхону аа5ан уорэтэн баран. Эпопея курдук. Хаас чааьын барытын.Улахан улэ буолуо этэ.