Курс валют
$
74.36
0.99
90.41
1.44
Курс валют
Курс валют
$
74.36
0.99
90.41
1.44
Меню
Поиск по сайту

Кэмпэндээйи нэһилиэгэр «Сир уустара» диэн республиканскай оҕолор дьоҕурдарын сайыннарар уонна доруобуйаларын чэбдигирдэр киин тэриллэн үлэтин саҕалаата

19.12.2020 15:03 0
Кэмпэндээйи нэһилиэгэр «Сир уустара» диэн республиканскай оҕолор дьоҕурдарын сайыннарар уонна доруобуйаларын чэбдигирдэр киин тэриллэн үлэтин саҕалаата

Ахсынньы 17 күнүгэр, «Юные Якутяне» Республиканскай ресурснай киин Г.Е. Чолбодуков аатынан санаторий базатыгар олоҕуран оҕолорго дьоҕурдарын сайыннарар уонна доруобуйаларын чэбдигирдэр киин тэрийдэ. Манна инникитин өрөспүүбүлүкэбит араас улуустарыттан оҕолор үөрэнэ уонна эмтэнэ кэлэр буолуохтара. Билигин манна нэһилиэк оскуолатыттан 78 оҕо бастакы нэдиэлэ үөрэҕи ситиһиилээхтик саҕалаабыттар, онтон кэлэр саҥа сылтан улуус оскуолаларыттан үөрэнээччилэр кэлиэхтэрэ.


«Юные Якутяне» республиканскай ресурснай киин дириэктэрэ Варвара Васильева иһитиннэрбитинэн үөрэх түөрт хайысханнан ыытыллар, ол курдук естественно-научнай (биологическай), технически-лабороторнай (робототехника) уонна оҕолорго тыл сайдыытыгар улахан болҕомто ууруллар, ону сэргэ софт скилс диэн эти-хааны чэбдигирдэр ньымаларынан барыа. Билигин суол саҥа аһыллыбытынан кабинеттарга аналлаах эбии тэриллэр, саҥа миэбэллэр тиэллэн кэлэ тураллар, инникиин смарт библиотека уонна аныгылыы оҥоһуулаах аактавай зал аһыллыаҕа. Сотору кэминэн 40 миэстэлээх оҕолорго үрдүгэр олорорго толору хааччыллыылаах саҥа олорор дьиэ тутуллара былааннанар.

Саҥа саҕалааһын тэрээһинигэр улуус Аҕа баһылыга Анатолий Григорьев, үөрэҕирии управлениетын салайааччыта Альберт Иванов, Кэмпэндээйи нэһилиэгин баһылыга Александр Игнатьев кыттыыны ыллылар, ону таһынан куйаар ситимин нөҥүө быһа сибээскэ тахсан СӨ Үөрэҕириитин миниистирин солбуйааччы Владимир Тихонов уонна үүнэр көлүөнэ тус сыаллаах фондатын генеральнай директора Владимир Егоров оҕолору уонна коллективы эҕэрдэлээтилэр.

Улуус Аҕа баһылыга Анатолий Григорьев оҕолорбут сайдыыларын туһугар инникитин туруоруммут сыалы ситиһэргэ бары биргэ түмсэн, сүбэлэһэн үлэлииргэ баҕа санаатын тиэртэ. Бу оҕолорго аналлаах республиканскай тэрээһини өйөөн саҕалаабыт СӨ Ил Дарханыгар Айсен Николаевка уонна 2019 сыллаахха Кэмпэндээйи нэһилиэгэр кэлэн санаторийын уларыта тутууга саҥа саҕалааһыны көҕүлээбит Бырабыытылыстыба бэрэссэдээтэлин солбуйааччытыгар Ольга Балабкинаҕа махтал тыллары анаата. Варвара Васильева салайааччылаах «Юные якутяне» киинтэн саҥалыы көрүүлээх дьон кэлэн үлэлии сылдьалларын киэн далааһыннаах үлэлэрин биһириирин биллэрдэ.

Бастакы сылдьан саҕалаабыт оҕолор саҥа интириэһинэй чэбдигирии көрүҥнэрэ саҕаламмыттарын астына кэпсээтилэр, кэлбит ыалдьыттарга ыллаан, үҥкүүлээн бэйэлэрин үөрүүлэрин үллэһиннилэр.

Өссө биир кэрэхсэбиллээҕэ диэн Кэмпэндээйи эмтиир уратылаах айылҕатыгар, санаторийга таһыттан сылдьан эмтэнэ кэлбит дьон эттэрин-сииннэрин чэбдигирдэр буолуохтара.

***

«Сунтаар улууһа (оройуона)» муниципальнай оройуон дьаһалтатын пресс-сулууспата.

Оставить комментарий    

Россельхозбанк
АЯМ