Курс валют
$
97.28
0.37
101.22
0.55
Курс валют
Курс валют
$
97.28
0.37
101.22
0.55
Меню
Поиск по сайту

КҮНДЭЙЭҔЭ ЫЫТЫЛЛЫБЫТ “БУРАН ШОУ” КҮРЭҔЭ ДЬОН СЭҤЭЭРИИТИН ЫЛЛА

11.04.2023 19:35 0
КҮНДЭЙЭҔЭ  ЫЫТЫЛЛЫБЫТ “БУРАН ШОУ” КҮРЭҔЭ ДЬОН СЭҤЭЭРИИТИН ЫЛЛА

Күндэйэлэр олус интэриэһинэй, улууска хаһан да ыытылла илик “Буран шоу” күрэһин тэрийэн ыыттылар. Айылҕаҕа, тыаҕа сылдьа үөрүйэх эр дьон бэйэлэрин сатабылларын уонна техникаларын кыамтатын көрдөрдүлэр диэн улуус дьаhалтатын пресс-сулууспата тириэрдэр.

Улуус нэһилиэктэриттэн барыта 12 хамаанда 4 көрүҥҥэ куоталастылар. Араас албастары туһанан хас биирдии түһүмэх интэриэһинэй, тыҥааһыннаах буолла. Буранистар хапкааны иитэн, сыал ытан уонна дистанцияҕа куоталаһан, көрөөччүлэргэ сэргэх күрэс түһүлгэтин олохтоотулар.

Маны тэҥэ ууну-хаары билиммэт техникалар быыстапкалара туран дьон сэҥээриитин ылла. Биһирэнэрэ диэн, бу хас биирдии эр киһи баҕа санаата буолбут баараҕай техникалары бэйэлэрэ таҥан, оҥорон таһаарбыттар.

Сыыдам сырыылаах буранистар ортолоруттан үс көрүҥ түмүгүнэн, кылаан кыайыылааҕынан Күндэйэттэн Айаал Игнатьев буолла. Маннык эр дьону көҕүлүүр күрэстэр өрөгөйүү турдуннар.

***

Aartyk.Ru 

Оставить комментарий