Ил Дархан уонна Мэҥэ Хаҥалас быыбара – хайдах баарынан
Георгий АРТЕМЬЕВ, Ил Түмэн үһүс, төрдүс ыҥырыылаах мунньаҕын депутата, бу балаҕан ыйынааҕы Мэҥэ Хаҥалас улууһун быыбарыгар кандидат Семен Потапов туһугар үлэлээбитэ. Туох да улахан киирсии түмүгэр быыбарга Дмитрий Тихонов кыайбыта.
Георгий Михайлович урут да, аны да принципиальнай политигынан биллэр, баары баарынан малтаччы этэр үгэстээх. Кини ааспыт быыбарга туох-хайдах балаһыанньа буолбутун суруйда уонна Aartyk.Ru редакциятын хайаан да таһаарыҥ диэн көрдөстө:
-Буолан ааспыт Мэҥэ Хаҥаласка улуус баһылыгын талыы быыбара олус тыҥааһыннаахтык ааспытын туһунан киэҥник сырдатылынна. Ол эрээри мин, республикаҕа стратегическай суолтата үрдээн иһэр улууска буолан ааспыт быыбар ис хоһоонун, политическай хампаанньа эргийэр киинигэр сылдьыспыт киһи быһыытынан, дьиҥнээх чахчыларга олоҕуран сырдатыыны – гражданскай иэспин толорорунан ааҕабын.
Ол курдук:
– Улуус баһылыга Николай Прокопьевич Старостин иккис болдьоҕор талыллан саҥа үлэлээн иһэн: «Кэлэр быыбарга бэйэтин кандидатуратын туруорунар былаана суоҕун, онон «Якутия» авиакомпанияҕа генеральнай директоры солбуйааччынан үлэлии сылдьар бары өттүнэн бэлэмнээх, улахан таһымнаах Семен Семенович Потапов улууһу салгыы салайыа этэ», – диэн улуус актыыбын иннигэр сайабылыанньа оҥорбута тута республика салалтатыгар тиийбитэ.
Ил Дархан дьаһалтата, Мэҥэ Хаҥалас курдук улахан улууһу салайыахха сөптөөх, резервэҕэ турар алта киһи кандидатуратын сиһилии үөрэтэн баран, Айсен Сергеевичтан – кини кимиэхэ санаата тохтуурун чуолкайдаспыттарыгар кини: «Үлэлии олорор улуус баһылыга ааттаабыт кандидатуратын улуус актыыба төһө ылынарын билиҥ», – диэн сиэрдээх соругу туруорбута.
Республика баһылыгын сорудаҕын толорон, ыйытык оҥорууга 31 нэһилиэктэр баһылыктара 100% уонна 19 оройуон сэбиэтин дьокутааттара Семен Потапов кандидатуратын өйөөн, салгыы Ил Дархаҥҥа: «С.С.Потаповы улуус баһылыгын солбуйааччытынан таһаарарыгар», – диэн ис хоһоонноох сурукка бары илии баттаан, көрдөһүү туһэрбиттэрэ.
Манна даҕатан эттэххэ, Өлөчөй нэһилиэгэр баһылыктаабыт Дмитрий Иванович Тихонов, кэлин улуус салалтатын быһаччы көмөтүнэн, Майа курдук улахан кииҥҥэ ыытыллыбыт быыбарга, Майа төрүт олохтооҕо, инникитин дьон-сэргэ үгүһү күүтэр ыччатын – Холмогоров Сергей Михайловиһы быыбартан туораттара-туораттара, Майаҕа баһылыгынан талыллыбыт. Уонна дьэ ити үөһээ этиллибит, Семен Потаповы улууска ыҥырар туһунан Ил Дархаҥҥа көрдөһүү сурукка бастакынан илии баттаат даҕаны, 3 сылынан ыытыллыахтаах улуус баһылыгын быыбарыгар «хайаатар даҕаны баһылык дуоһунаһын ылыахтаахпын» – диэн бэйэтин иннигэр сорук туруорунан, «чиэс, сиэр-майгы» – диэн тыллары сиргэ-буорга тэпсэ охсоот, эр киһи бигэ тыллаах бэйэтин илии баттааһынын тутатына киэр илгээт, бэйэтэ быыбарга бэлэмнэнии хампаанньатын сири аннынан саҕалаабытынан барар. Сана үйэҕэ саҥалыы өйдөөх-санаалаах салайааччы маннык буолуохтаах диэн матыыптаан – телевидение, араадьыйа, бэчээт уонна куйаар ситимин нөҥүө агитациятын киэҥ далааһыннаахтык, ситимин быспакка ыытан саҕалыыр, улуус бары нэһилиэктэрин түүннэри-күннэри кэрийэн «В.И.Птицынтан саҕалаан 20-чэ сыл улууһу салайан кэлбит кадрдартан босхолонор кэм кэлбитин, сана үйэҕэ саҥалыы көрүүлээх эдэрдэр оройуону салайыахтаахтар» – диэн үгүс дьону, улахан аймахтар ытык дьоннорун уонна 14 нэһилиэк баһылыктарын алыптаах тылларыгар киллэрэн (сахалыыта«илии тутуһуннаран»), халыҥ хамаанда тэринэн, дьиҥнээх сокуонунан көҥүллэнэр быыбар саҕаланыытын быдан инниттэн турунан, үгүс быыбардааччылар куоластарын номнуо «сиэбигэр уктан» киирэр.
Дойдуну салайан олорор былаас партиятыгар халбаҥнаабат сокуоннаах, ол курдук «ЕР» партияттан быыбарга туруон баҕалаах кандидаттары барыларын кытыннаран, бэйэлэрин истэригэр ис партийнай күрэстэһиини тэрийэр (праймериз), дьэ ол эрэ кэннэ праймеризка бастаабыт соҕотох кандидат салгыы быыбарга кыттар быраабы ылар – ити партия халбаҥнаабат сокуона, ону чилиэттэр бары булгуччу тутуһуохтаахтар, туораан биэрбит кандидаттар кыайбыт кандидакка быыбарыгар күүс-көмө буолуохтаахтар, салгыы быыбарга кыттыа суохтаахтар. Эппитим курдук, ити партия бэйэтин иһинээҕи сокуона – ол күн бүгүҥҥэ диэри тутуһуллан кэлбитэ.
Дмитрий Иванович праймеризка кыттар түбэлтэтигэр кинини эрэ өйүүбүт, итэҕэйэбит диэн эрдэттэн тылларын биэрбит 14 нэһилиэк баһылыктара биир киһи курдук хамаанданан куйаар ситимин толорон кэбиспиттэрэ. Сахалыы таҥастаах баһылыктар лидердэрэ Дмитрий Иванович «ЕР» политсэбиэтинэн бигэргэммит IV-с моделын Россия үрдүнэн ким даҕаны уларытар кыаҕа суоҕун билэ-билэ «норуот барыта кыттыылаах праймериһин оҥорбот түбэлтэтигэр, былаас партиятын быһаарыытын утарабын» – диэн праймеризка кыттартан аккаастанан кэбиһэр, онон норуокка «былааһы утарааччы Манчаары» буолан күлүбүрэччи күлүмүрдээн, улуус дьонугар-сэргэтигэр саҥа уобарастанан тахсан кэлэр.
Ис бэрээдэктээх киһи Семен Семенович Потапов праймеризка кыттан кыайыылаах тахсан, бэс ыйын 18 күнүгэр быыбарга кыттар быраабы ылан эрэ баран, праймериз балаһыанньатыгар олоҕуран, агитациялыыр үлэтин дьэ саҕалыыр (онон баара-суоҕа 2 ыйтан эрэ ордук кэмҥэ агитациятын ыытан быыбар биэтэгэр кэлэр).
Ити кэмҥэ Тихонов, былаас партиятын билиэтин сиэбигэр укта сылдьан «Единэй Россия партията, былаас даҕаны өйөбүлэ суох норуоппар тирэҕирэн бэйэбин туруорунуом» – диэн аны «атаҕастаммыт норуот уолун» уобараһын ылынан, илии баттааһыны хомуйарга турунар. Аны саха киһитэ илии баттаата да – онтукайыттан хаһан да аккаастаммат, тиһэҕэр диэри барар үгэстээх, ол оннугар баһын быстарыа! Ити дьиҥинэн биһиги норуоппут биир үчүгэй үтүө хаачыстыбата, этэргэ дылы саха хаһан даҕаны «дьэбириэйдиэ» суоҕа, онон «тыл барда – бас барда» диэн сомоҕо домох тыллара эмиэ мээнэҕэ үөскээбэтэхтэрэ буолуо.
Ханна барыай, бэйэлэрин илии баттааһыннарын кылбарыччы мэлдьэһэн, сонно кэтэххэ атыннык хамсанан барар дьон суох буолбатахтар, бааллар. Оннук дьоҥҥо эппиэт хойутаан, эбэтэр эрдэлээн син биир кэлэр – ОЛОХ ону оҥорор, көрдөрөр… Дьэ итинэн аны сирэйдэнэн салгыы үтүмэн үгүс илии баттааһына «сиэпкэ угуллар»…
Тихонов илии баттааһыныгар сокуону кэһии таһаарбытын иһин улуус быыбары ыытар хамыыһыйата тохтоппутун, үрдүкү тэрилтэтэ (ЦИК) көтүрэ охсон, Тихонов салгыы быыбарга кыттар быраабы ылан быыбардааччыларга: «Улуус салалтата үрдэ суох баттабылын утары охсуһан, норуотум көмүскэлигэр туруннум» – диэн аны «баттаммыт-атаҕастаммыт» норуот уолун оруолун салгыы оонньообутунан барар.
«Баттаммыт-атаҕастаммыт» уол тута сөрөөн Республика Аҕа Баһылыгар киирэн күүс-көмө көрдөөбүтүн, аһыныгас Аҕа 100% өйөөбүтүн туһунан Айсен Сергеевич быыбар түмүгүнэн ГТРК «САХА» телевидениеҕа быһаччы кэпсэтии (прямой разговор) диэн биэриигэ эппит тылларын, ЯСИА диэн Правительство органа республика үрдүнэн тарҕаппыт тексин туох даҕаны уларытыыта суох истиэҕиҥ:
– Тихонов набрал почти 60%. Он человек молодой. К сожалению, не стал участвовать в праймеризе, в этом и вина партии, потому что модель была неудобной, когда небольшое количество число членов определяет кандидата от партии…Тихонов ко мне приходил советоваться, сказал, что хочет идти самовыдвижением. Зная его потенциал, я сказал ему: «Иди борись честно, во имя своего района, своего народа».
Я, кроме того, как секретарь партии «ЕР» и Глава Республики давал присягу народу, что буду работать в его интересах, в т.ч. буду работать с любым избранным главой любого муниципального образования».
Дьэ хайдаҕый? Республика Баһылыгар быыбар боппуруостарынан хас кандидат кини кабинетыгар киирэн сүбэлэһэн таҕыста?! Тойон кабинетыгар арай Тихонов эрэ киирэн, атах тэпсэн олорон чэй иһэ-иһэ сүбэлэспитин биллибит. Оннооҕор буолуох кыһалҕалаахтар кыайан ыйы-ыйынан приемнаппат сурахтаахтара…
Ил Дархан илэ бэйэтинэн дойдуну салайан олорор партия Үрдүкү политсовета бүтүн Россия үрдүнэн быыбарга кыттыы булгуччулаах бэрээдэгин соруйан билэ-билэ кэспит, Тихоновы төбөтүттэн имэрийэ-имэрийэ, сахалыыта «чэ, туох буолуой партийнай ирдэбили толорботоҕуҥ, ол эн буруйуҥ буолбатах, партия буруйа, онон партията-таймата суох бэйэҕин туруорунан киирсэргин көҥүллүүбүн…» – диэн алҕаабыт.
Оттон ити кэмҥэ Саха сирин сэкиритээрэ, барыбыт Баһылыкпыт партийнай ирдэбили халбаҥа суох тутуһан, праймеризка кыайбыт Семен Потаповы төһө көрүстэ? Төттөрүтүн шефтэриттэн дьаһал ылбыт Ил Дархан администрациятын уонна партия толоруулаах уорганын салайааччылара Үрүҥ Дьиэҕэ улуус баһылыгын Старостин Н.П., баһылык дуоһунаһыгар кандидат, праймериз кыайыылааҕа С.С.Потаповы ыҥыран ылан, тула өттүлэриттэн эргийэн олорон: «Эһиги рейтиҥҥит намыһах, онон быыбартан устунуҥ!» – диэн ыгыы-тарыы бөҕөнү оҥорбуттарын ылыммакка, Манчаары сиэттэрэ киэн кабинет аанын тыастаахтык сабан тахсан, тэҥэ суох хабыр хапсыһыыга киирсэн, төбөлөрүн төҥкөппөккө дьоһуннаахтык быыбар биэтэгэр тиийэн кэлбиттэрин – боростуой норуот – дьиҥнээх эр дьоннор, хоһуун хорсун салайааччылар быһыытынан, күн-дьыл аастаҕына уоскуйан олорон сыаналыахтара диэн эрэнэбин.
Потаповтаах Старостины кыайан «тоһуппакка» гынан баран Ил Дархан Мэҥэ Хаҥаластары уоскутаары, кыра оҕолору албынныыр курдук «икки кандидат кииристиннэр, мин хайаларын да диэки буолбаппын» – диэн эппитин, кэнэн сахалар итэҕэйэн, кирдээх быыбарга төбөлөрүн оройунан түһүнэн кэбиспиттэрэ хомолтолоох.
Дьэ: «Ил Дархан Тихоновы туох сыалтан өйөөтө?» – диэн салгыы сиэрдээх боппуруос үөскүүр.
– бастатан туран, мин санаабар Айсен Сергеевич баччааҥҥа диэри ыһыллыбатах биир ньыгыл Мэҥэ Хаҥалас улууһун хайытар, күүстэрин өһүлэр сүрүн сыалын ситистэ;
– иккиһинэн, Ил Дархан кэлээри турар бэйэтин быыбарыгар Тихоновы «хармааннай» баһылык оҥостон, бэйэтэ да билбэтинэн көҥүл өттүнэн «былааһынан» муоһаламмыт улуус дьонун үгүс куолаһын ыларга суолун тэлиннэ.
– үсүһүнэн, хайыы үйэ Ил Дархан иннигэр иэскэ киирбит баһылык нөҥүө Россия улахан бизнеһэ, олохтоох баайдар, араас омуктар байар-тотор былааннарын туох даҕаны утарсыыта суох олоххо киллэрэллэригэр аартык аана арылынна.
Баһылык эрэ буолар баҕаттан Дмитрий Тихонов быыбардааччылар туруорсууларыгар барытын ааһан иһэн быһаарар курдук судургутук эрэннэриилэриттэн ылан биир түгэни санатар тоҕоостоох, ол курдук «оройуоммут киинигэр кэлии омуктар аһара элбээтилэр, ону хайдах быһаарыаҥ этэй?» – диэн боппуруоска «баһылыгынан таллыгыт да, ол дьону тута улуустан таһаартыам» – диэбитин үгүс дьон умна илик буолуохтаахтар.
Быыбарга кыайыытын «сууйар» Дмитрий өрөгөй киэһээтигэр дьон-норуот истиитигэр: «Брат Шамиль, твой кандидат стал главой улуса! Будем вместе работать!» – диэн былааска аҕалбыт киһитигэр, Айсен Сергеевич кэнниттэн иккис киһиэхэ, арааппардаан махтанан, баҕалаах дуоһунаһын бастакы күнүн саҕалаата.
Дьэ итинник араас уобараска түргэнник киирэр «дьүһүн кубулуйумтуо» киһиттэн киһи салгыы тугу күүтүөй? Уонна оттон дуоһунастаах бахылык быһыытынан инникитин элбэхтэ илии баттыа, бэчээтинэн бигэргэтиэ турдаҕа – кэннигиттэн кэлэн силлиэ курдук мэлдьэспиттии сипсийэн кэбиһиэ суоҕа дуо? Эбэтэр эппиэт тутар кэмэ кэллэҕинэ эмиэ «что-то мешает» диэн хараҕын хастыбыта буолуо дуу?- диэн быыбар хампаанньатын кэнниттэн үгүс араас боппуруостар үөскүү-төрүү тураллар…
***
Г.М.Артемьев,
1998-2002 с. Мэҥэ Хаҥалас улууһун баһылыга,
Семен Потапов кандидатуратын өйөөбүт инициативнай бөлөх чилиэнэ.
Обсуждение • 42
Добавить комментарийОставить комментарий
Шиномонтаж Левша
Cтоматология 32
Бу Мэнэлэргэ итинник балабыанньа уескээбитигэр улахан баьылвк кэргэнин буккуура диэн санаабаккыт дуо. Уопсайынпн дпганы бу дьоннор Мэхээлэ уонна Араиса халыыбыгар киирбиттэр курдук керебун
Мегино-Кангаласский улус – стратегический улус в Республике Саха (Якутия). И недаром вся Якутия внимательно, очень внимательно следила за выборной кампанией в этом улусе. Уважаемый Георгий Михайлович Артемьев все правильно сказал. Но он не сказал главного:
Это главное заключается в том, что вся элита (многопоколенческая, многолетняя) Мегино-Кангаласского улуса отвергнута, отброшена в угоду тому кандидату, который занял идеологию протестного электората, оппозиции. Это заметили во многих, если не во всех улусах Республики. Значит, все, что произошло в Мегино-Кангаласском улусе на прошлых выборах – ждет все остальные улусы и районы. Отбрасывание прежних элит. Отбрасывание во имя чего-то нового, которое в данный момент рядится в одежды “протестной оппозиции” существующей власти.
Хорошо. Пусть так. Но как быть тогда на следующих выборах..? Через год (для успокоительства и забывания – слишком мало времени) будут выборы в Законодательное Собрание Якутии, выборы самого Главы Республики. Неужели все забудется?
Кстати. По новой нарезке выборных округов, часть Мегино-Кангаласского улуса (а именно – село Майа) несколькими наслегами входит в Томмотский избирательный округ. Каково, ребята? Это означает, что голоса “кондовых” саха из заречной группы улусов будут “уравновешены” голосами русскоязычного электората Южной Якутии. Тут даже “брат Шамиль” не поможет…
Ил Дархан быыбарыгар дьон умнубата буолуо , эссэ райсовет быыбарыгар киирсии буолуо дии.
Уб. “Сыбахсыт” ник адьас сопко этэр. Бу ааспыт быыбардарга Ил Дархаммыт “иккис анаара” улахан бутуйар, бысаарар куус буолла. Ол эрдэттэн костор этэ. Хас да улуусу бутуйдулар, бу туох да сокуоннай боломуочуйата суох, анардас эрин, урдук сололоох кисини нонуо бэйэтин тус амбициятын манньытар дьахтар нонуо. Ол эрэн костон исиэ, бу ” семейнэй подряд” тосо усуура..
В Республике идут большие игры с далёкой целенаправленностью. И уже давно. В республике по сути культививируется целевая аудитория, главной целью которой является одно – против федеральной власти. Не важно по какому вопросу и под каким флагом, по каким партийным лозунгам. Главное – готовность выступить против. Этим руководят из Москвы. Из либеральной башни Кремля. Это с их поощрения давно наш ДП – 1 возбуждает скрытую, ползучую тоску по “суверенитету”, по “временам великого Тыгын Дархана” и прочее. Закрывает глаза на организацию идейного “Конгресса” и боевого крыла, разного рода полукриминальных сообществ . Потакают работе в республике с молодёжью уехавших на Запад и завербованных ” представителей народа саха”. Именно по логике этого политкурса Ил дархан, (секретарь регионального отделения ЕР!) последовательно ослабляет в республике позицию “Единой России” – главного стержня вертикали федеральной власти. Следующая поставленная задача – набрать на выборах в Ил Тумэн корпус, потенциально могущий стать ядром антифедерального выступления. В поддержку политики либеральной башни Кремля. А цель реванша либералов в России – возврат к реалиям 90 – х и окончательное разделение России. По “суверенным” регионам. Вот это – главная цель. Которому служать, не знаю, вольно или невольно, близкое окружение нашего сегодняшнего Ил дархана.
Дойдум Мэнэ бас-кос дьонноро былаас эрэ иьин диэн бэйэ-бэйэлэрин баьаа5ырда сылдьаллара хомолтолоох. Ыстаарыьын Мэнэ5э промышленнай сайдыы наадата суох, ынахпытын-суоьубутун да иитэр олоруохпут диэн популистскай этиитэ тойоттор кэхтэн эрэллэрин туоьулуур! Промышленность айыл5аны эрэ буортулуур диэн дьонно-сэргэ5э сыыьа ойдобулу сонуу сылдьаллар. Баай дьоннор кэлэннэр туох баарбытын суйдаан барыахтара диэн эмиэ куттууллар. Туох барыта кэмнээх-кэрдиилээх. Промышленнай сайдыы хайаан да барыахтаах. Утара сырыттахпытына таах олорон хаалыахпыт. Кулубалар, депутаттар чиэьийдик, былаан быьыытынан, барытын аттаран улэлээтэхтэринэ туох да уоруу-талыы, айыл5аны алдьатыы тахсыа суохтаах. Талыллыбыт кулубаны кытта тахсыылаахтык улэлэьин. Сыыьатын-халтытын, куьа5ан дьайыыга ылларыах курдук буолла5ына тута тохтотуохха, ойдотуоххэ. Оччо5о эрэ эйэ-дэмнээхтик олорор, улэлиир кыах баар буолуо!
Айсен Старистинтан иэстэспит.
Били агип тойоно Достаевскай баар этэ, ону мэнэ5э главанан таьаара сатаабыта.
Ону Старостин бастаан себулэьэн баран аккаастан кэбиспитэ. Короче Айсены кинул.
Итинниктэри Айсен умнубат.
Ол иьин Старостинна угол. дьыала онордохторо. Онтон куьэллэн барда5а.
Артемьев эн тоҕо кыттыспытын этэ буоллар, мэҥэҕэ улахан аптврытыатын суох ээ , дьон сэргэ бэркэ диэн билэр ону !
Убаастабыллаах Георгий Михайлович! Эьиги Мэнэ -Ханаласка баьылыгынан улэлээн ааспытын. республика таьымыгар Ил Тумэн депутаатынан эр сылларга улэлээн кэллин маннык ис хоьоонноох интервьюгун аа5ан олус хомойдум. Норуот бэйэтэ санаалаах, кэтээн кэрэр харахтаах . Ил Дарханы эмиэ соччото суох тылларынан таарыйан ааспыккын. Саха киьитэ бэйэтэ талан олордубут “тойотторун” убаастыыр, уонна убаастатарын сэбулуур.
Быыбар бүппүтэ, норуот талбыт киһитэ кыайдаҕа дии, үлэлиэҕэ, кэнниттэн саҥарыман, мэҥэлэр куруутун хайа үрдүгэр!
Влад
Ойуубут
Эти игин
Артемьев, олох устун , хара , Куолуьут
,,Дьуогэт ,, Кини бириэмэтэ ааспытын ылыммат ,,,, Бэйэтин ,, туруугун,,,, билиммэт !!!! Сана Уйэ Былааьын келуонэтин Атагын ,, Кыаьылыы сатыы,
Дьон, ойун буккуйа сылдьар
Георгий Артемьев,, Туораа !!!!!
Геронтолокка, психолокка сырыттын.
Сана Уйэ, Сана Келенэтигэр Суолу Босхолоо !!!!
Артемьев эн тоҕо кыттыспытын этэ буоллар, мэҥэҕэ улахан аптырытыатын суох ээ , дьон сэргэ бэркэ диэн билэр ону !
Сымах кыыьа эмиэ авторитета суох эрээри кыттыспыт…
Эмис кыыс дуо?
ЖироБаска?
Ханнык Агип тойоно Достоевскайы аны ороотулар?
Артемьев уонна Старостин “кемелерунэн” Потапов хотторбута. Уонна кыбыстыбакка суруйар ээ ессе.
Георгий Михайлович опыттаах политик эрээри то5о улуус нэьилиэнньэтин хайыта сатыырыц ейдеммет. «Хатыламматар ханнык» диэн Туймаада хаьыакка ыстатыйабар бэйэм санаабын суруйан турабын. Улуус быыбардааччылара ким «эрдэ илии тутуспутунан» эбэтэр «Ил Дархан ейебулунэн» буолбакка, бэйэлэрэ кандидаттары ырытар, сыаналыыр дьон буолан, улэлиэн септеех киьи – диэн талбыттарын убаастыахха наада.
П.П. Николаев
Олох саамай соп этии!
После боя кулаками не машут. Итоги сами за себя говорят и теперь критиковать мнение народа, считаю не правильно.
Маннык элбэх нэһилиэнньэлээх, ол эрэн сирин иэнэ кыра улууска арыый олоххо бэлэмнээх киһини талбатахтара дьиксиннэрэр, төһө да “норуот” кандидата аатырбытын иһин, (оннук ааты хайдах ылбыта ыстатыйаҕа бэрт чуолкайдык сурулла сылдьар) улууһу өссө сайыннарара саарбах, таах үрдүкү сололоохтор марионеткаларын курдук көрөбүн, бэйэтэ туох программалааҕын улаханнык көрдөрбөтөҕө даҕаны. Тыа киһитигэр үлэҕэ сыстаҕас, киһини кытта уопсай тыл булар, олоххо дириҥ көрүүлээх киһи талыллыбыта буоллар диэн санаа баар этэ да, олохтоохтор быһаардахтара
Олох чиэhинэй киирсии эбитэ буоллар , норуот быыбарын убаастыахха сэп этэ. А так , нет
Дьиннээх халбаннааьат оппозиция уэскээтэ уонна улаатыа эссэ
Георгий Михайловиһы убаастыыр этим даҕаны, бу суруйуута киһини олус хомотор, кыбыстыбакка С.С. Потаповы сиэрдээхтик, дьоһуннаахтык кииристэ диэбит… Хайдах киирсибитин бары көрө билэ сылдьабыт. Норуот бэйэтэ толкуйдуур, быһаарыы ылынар төбөлөөх. Норуотун быһаарыытын убаастаабат эбит Георгий Михайлович.
Сөпкө эттигит
Ээ бу киһи Артемьев авторитета Мэҥэҕэ вообще суох. Түөһүйүөхтэригэр дылы куолуһут буолбуттара хомолтолоох.
Потапов хотторуутун сурун теруеттэрэ:1. Хара пиар. 2.Бэйэтин мелте5е. 3. Урукку тойоттор “кемелере”.
Ити Артемьев тугу-тугу туойар? Икки улууска баһылыктаан баран иккиэннэриттэн муустаах ураҕаһынан үүрүллүбүтэ. Тааттаҕа кини аата кыһыл тирээпкэ курдук. Мэҥэҕэ эргэ дьиэлэри обшибкалаан баран 100 саҥа тутуу туттардым диэн дьон күлүүтүгэр, ыт элэгэр барбыта. Ситэри биир срок үлэлээбэккэ бастакы солбуйааччыта Сергучеву кытта үлтү этиһэн, улууһу икки гына арааран, айдаан тардан куоракка куоппута.
Былаас партията туруорбут киһитигэр куоластаабатылар диэн сухханар. Дьаарай коммунист ааттаах киһи бэйэтин партиятын утаран былаас партиятын диэкки буолбута ааҕыахха сүөргү.
Итинник дьоҥҥо норуот быыбара уонна талыыта диэн кураанах тыл. Дьону сэнээһин, бэйэ эрэ интириэһин өрө тутуу олохторун алтыһар аргыһа.
Ким эрэ о5ото, а5ата, убайа, быраата, айма5а сэриигэ ыцырылла турда5ына быыбарга хомойбуттарын, хоргуппутарын суруйаллара олуона дии санаабаккыт дуо?
После боя кулаками не машут. Быыбар ааспыта, талыллыбыт киhини кытта сүгүн үлэлээн
Үтүө күн буоллун. Бу маны ааҕан баран, олох кэлэйдим бу Артемьевтан. Дьэ этэргэ дылы саамай бүтэһик киһи быһыытынан туохха да баппат быһыы буолла бу Артемьев өттүттэн. Мэҥэ-Хаҥалас улууһун баһылыгын быыбарыгар Тихонов хамаандата бэрт сөпкө, туох да үөҕүү, аппоненын хараардыы игин диэн үлэни олох ыыппатаҕа. Онтон дьэ бу Патапов хамаандата, харчыга журналиһы атыылаһан, соруйан киртитэ сатаан сурах тархататтан соло буолбатахтара. 5 төгүл сууттаһа сатаан кыайбатахтар. Эгэ ол дьону кытта көрсүһүүгэ сүгүн кэпсиэхтэрэ дуо, үөҕэртэн соло буолбатахтара, тус бэйэм илэ харахпынан, кулгаахпынан истибитим. Аны туран газ үлэһиттэрин, оскуола, балыаһа үлэһиттэрин кытта саба баттаан, Патаповка куоластата сатаабыттарын, хара күүстэринэн үлэлэриттэн үөрүөх буолан куттаан күһэйбиттэрин бары билэбит биһиги Мэҥэ-Хаҥаластар. Биллэн туран былааска олорор, дьон кыһалҕатын өйдөөбөт, топпут тойоттор аһыыр сирдэриттэн барымаары дьэ дьону буккуйан сатаабыттара баар суол. Мэҥэ-Хаҥаласпыт дьоно сэргэтэ олох кэлэйэн, кинилэр сыалларын соруктарын лаппа билэр буолан, олох утаран 3 тыыһынчаттан тахса куолаһынан быраҕан, Тихоновы талбыттара. Ону бу киһилии хотторон баран эр киһи курдук туран биэрбэккэ, кэбилэнэн суруйан олордохторо. ЭҺИГИ биири өйдөөн, Мэҥэ-Хаҥаласпыт дьоно сэргэтэ эһигиттэн кэлэйэн, сылайан, саҥа кэскиллээх олоххо баҕаран Тихонов Дмитрий Ивановиһы таллахтара дии.
Мэнэлэр конституцияны уларытар куоластааьынна саамай утары барбыттара. Онон Старостины уонна кини дьонун былаастан туоратын диэн Москваттан сорудах кэлбит буолуохтаах. Иккиьинэн, Старостин уонна кини хамаандата хоруупсуйа5а аьа5астык охтубуттара. Дьон ону билэр. Онон ону маны сымыйанан лахсыйан бутун.
Георгий Михайлович улууһун быыбардааччыларын аанньа ахтыбат эбиккин!
Норуот итэгэйэн талбытаТихоновы, онон эьиги сиби, хобу тархатан бутун
оттон Тихонов бэйэтэ,: Шамиль, эн миигин глава оцордуц, дьэ, мантан инньэ барыта эн тускар буолуо, диэх курдук эппитэ баара дии, Мэцэ дьонун-сэргэтин отой да ахтыбата5а. Дьиц саха бары атыцыраата итини. Саатар то5о туох да быЬаарыы, Тихонов бэйэтин эттуттэн да, ким эмит билэр дьонтон, то5о суо5уй?
Мэнэ-Ханаластар киин сири, Якутскайы онойо сытан ойдоро санаалара олох хаалан, тыатыйан, дэриэбинэ буолан хаалан олороллорун согобун. Учугэй согус дьоно ысыллан, урэллэн хаалаллар дуу, хайдах дуу, дьэ дьиибэ. Биир да чагылхай, дьин улахан, Республика тасымынан, биэрбэтилэр. Уус – Алданнар кэм, А. Жирков эгин курдук дьонноохтор. Чурапчылар Ил дархан Е. Борисовтана сылдьыбыттара. Намтан икки Ил Тумэн спикера – Нь. Тимофеев уонна билинни А. Еремеев. Мэнэ – Ханаластар бу баара суога улуус басылыгар анньысыы кытаанага, этисиилээгэ. Мелкотравчатая суета. Онон оторунэн Мэнэттэн дьин улахан дьон тахсыа суох. По всем позициям. Дьэ дьиибэ. Били 50 – 60 сс. Республиканы салайыыга тахсыы исин киирсиигэ (Е. Кычкин эгин сагана) улаханнык хотторбуттара отор оспот, торуогу таннары тардар дьаакыр буолбут бысылаах.
Мин туох да диэбэппин Артемьев Г.М. ыстатыйата куьаган, эбэтэр талыллыбыт сана Глава Тихонов утары тугу да этэрим суох билбэппинэн. Туокка биир тугэн сэрэхэчитэр миигин да, дьоннору да. Бу Тихонов бэрт улгумнук кэлии дьоннору кытта кэпсэтэрэ. Ону ааьан саха дьонун кыайыытын омуктарга мэйин дьэ билигин эьиги тускутугар улэлиэм да улэлиэм диэбитэ. Хайдах эрэ хоруупсуйага бэрт чэпчэкитик барыыьы дуу? Итиччэ саамай кууруулээх тугэннэ итинник санарына турара туораттан биьи сааттыбыт…
Георгий Михайлович, Мэнэ улахан патриота. Сөпкө суруйбут- эппит. Билигин Мэнэ улахан харчы, товар, транспорт эргийэр сирэ буолла. Ол улахан харчылаах, кыахтаах дьону кытта тэннэ кэпсэтиэн, олохтоохтор коруулэрин комускуон сөптөөх үрдүк улэ5э үлэлээбит Потаповы С.С. республика былааhа өйөөбөтөҕөр вопростар баалларын Георгий Михайлович сөпкө этэр. Эhиил Ил Тумэн быыбара норуот ким диэки буолар? Майа олохтоохторо аны Томмот олохтоохтору кытта биир депутаттаах буолаллар. Оччо5о Мэҥэттэн фактически 1 эрэ депутат Ил Тумэннэ буолуон соп.
Мэҥэ-Хаҥалас улууһугар хайдыһыы таҕыста. Ону ааспыт быыбар арылхайдык көрдөрдө. Бу хайдыһыы – кэлэр быыбарга (улуус мунньаҕын депутаттарыгар, Ил Түмэн депуттаттарыгар, Ил Дарханы талыытыгар) охсуулаах буолара мэлдьэһиллибэт. Наблюдатель-1 сөпкө быһаарар: протестнай куоластааһын эһиил дьайыыта өссө күүһүрэр диэн. Тыҥааһыннаах утарыта туруу быыбар түмүгүн 15 мүнүүтэ буолаат сразу биллэрдэ – “брат Шамиль, твой кандидат победил” диэн. Онон утарыта туруу салҕанан барар, саҥа салалта хас биирдии сыыһа хамсаныыта – барыта Мэҥэ-Хаҥалас дьонун суута буолаары турунна. Оннук балаһыанньаҕа түптээх үлэ тахсар кыаҕа суох. Иккис тыҥааһыннаах киирсии түбэлтэтэ – 2023 сыллааҕы улуус бюджетын ылыныы. Республика үрдүнэн тыа хаһаайыстыбатын айгырыыр содула Мэҥэ-Хаҥалаһы тумнан ааспата биллэр. Онон, бюджекка көрүллүбүт “миинэлэр” сааһыары дэлби ыстаналлар, атын суоһааһыннары этэ да барбаппын. Маннык балаһыанньаҕа “саҥаны таласпыт” быыбардааччылар улаханнык хоргуталлар, мунчаараллар, муналлар. “Өйдөнүү” суолугар үктэнии – мантан саҕаланыа. Уруккуну ырытыы, баар балаһыанньаны баһааҕырдыы – элбиэҕэ. Ол угаайытыгар депутакка кандидаттар, Ил Дархаҥҥа кандидаттар киирэн биэрэллэрэ биллэр. Билиҥҥи улуус депутаттара син талыллар кыахтара баар, онтон араас-араас предвыборнай штабтарга сылдьыбыт Ил Түмэн депутаттара хоһуттан талыллара – саарбах. Буолаары буолан, билиҥҥи Ил Дархан Мэҥэ-Хаҥаласка кыайара – эмиэ саарбах буолла. Ити (Ил Түмэн уонна Ил Дархан быыбардара) – Саха Сиригэр тыын боппуруос. Арктика улуустара билиҥҥи депутаттарын, Ил Дарханы талаллара саарбах. Заречнай улуустар, нуучча улуустара – эмиэ биир оннук. Бүлүү улуустара билиҥҥи депутаттарын талаллара саарбах, ол гынан баран баар Ил Дарханнарын өрө тута сатыахтара.
Ити аата тугуй? Ити аата – политическай кризис. Саха Сирин үрдүнэн. Бу буолан эрэр политическай кризискэ Мэҥэ-Хаҥалас улууһун быыбардааччыларын кылаата сүдү улахан. “Эҕэрдэ” буолуохтун…
Анализ Артемьева в чем то правильный. Выбор и мнение народа надо уважать говорят. Но народ далеко не всегда прав. Навальный, Грудинин – слоганы у них были “Кандидат от народа”, Байдена, Макрона и Зеленского тоже народ выбирал. Демократические выборы народа часто приводят к таким хайповым, печальным итогам. Эти выборы настораживают – работают внешняя обертка, “сахалар сонумсахтар”, хайп – что угодно, только не здравый смысл, логика, опыт. Лишь бы перемены были – стабильность “надоела, зажрались” хочется сказать. Дай бог Тихонов справится, но это анализ-предупреждение к другим выборам.
Черчилль: Демократия плохая форма правления, но ничего лучшего человечество не придумало!
Нет идеальной системы выборов. Есть мероприятия по агрессивной агитации за деньги (шамилей), обещания золотых гор и уши избирателей, где вешается лапша!
Ити Артемьев Мэнэлэри барыларын акаарыларга тэнниир бысыылаах. Ити Тихоновкытын норуот элбэх куоласынан талла. Сугун улэлэтин, хайдах улэлиирэ костон исиэ. Старостин даганы Мэнэни да эрэ тардыбыта биллибэт, Ленскай басылыгын курдук. Старостин кыайбыта буоллар ити Артемьев, учугэй улэтин исин , туохха эмит тиксиэ этэ. Ханна багарар, новая метла метет по новому Артемьев ытаан бут. Поезд уже ушел. Потаповкыт чагылхайа буоллар кыайыа этэ, ол суох.
КПРФ турбут кандидаты өйөөн суруйбут дьиэбитим олох атын эбит, били бэйэтэ суруйбутугар дылы эр киһи биир тыла суох буолар эбит, андаҕарын да умнубут коммунист Артемьев, ити аата Биир Ньыгыл баартыйаны өйөөбүтүн, атаҕа элэйиэр дцлы сүүрбүтүн суруйбут эбит. Бу инньинэ син сүнньүлээх киһи дьии саныыр этим коммунист Артемьевы онтум баара…дьэ дьаабы..