Ийэ тыл кэскилэ — ыччат

Төгүрүк остуол Өксөкүлээх Өлөксөй аатынан норуоттар доҕордоһууларын дьиэтин көстүүнэй саалаҕа 14 чаастан буолла. Бу остуолга СӨ култууратын уонна духуобунас миниистирэ Афанасий Иванович Ноев кыттыыны ылла.

“Биһиги тылбыт буорайда эрэ диэбэккэ, ыччаттаахпыт, инникилээхпит диэн салайыныахха! — диэн ыҥырда.

Ол курдук, “Түмэн” ыччат түмсүүтүн туһунан Сибэкки Заровняева билиһиннэрдэ, сахалыы көмпүүтэр оонньуутун оҥорбут Георгий Антипин үлэтин туһунан көрдүбүт, саха тылын үөрэтэр онлайн-куурсун хайдах тэрийбитин “Силис” салайааччыта Дилара Николаева кэпсээтэ, тас сахалар “Сахалыы эйгэни тэрийии” бырайыактарын туһунан Туйаара Алаас сырдаппытын көрдүбүт, “Күөрэгэй” түмсүү ыччакка, эдэр төрөппүттэргэ хорутуулаах үлэтин туһунан эттэ.

А.Г. уонна Н.К. Чирээйэптэр ааттарынан ДьКНГ төрөппүт бэрэссэдээтэлэ Вероника Кобякова төрөппүт кэмитиэтин үлэтэ оҕо, төрөппүт сахалыы толкуйун, санаатын сайыннарар кыаҕын арыйда.

Солдатов Тимур диэн Казань куоракка тюркология идэтигэр үөрэнэр устудьуон Телеграмы сахалыы тылбаастаан оҥорбут сигэтин таһаардыбыт. Контогоров Егор Егорович сахалыы букинистиканы тэрийбитин иһин Ил Түмэн грамотатын тутта. Төрөөбүт тыл уонна сурук -бичик күнүнэн эдэр ыччат ыллаан дуораһытан эҕэрдэлээтэ.

***
Суруйда Вилюяна Никитина, 

“Ийэ тыл” көҥүл түмсүү