Грознайга Бүтүн Арассыыйатааҕы VIII сайыҥҥы студеннар спортивнай оонньуулара

От ыйын 15-19 күннэригэр Чечня Өрөспүүүбүлүкэтин киинигэр – Грознайга Бүтүн Арассыыйатааҕы VIII сайыҥҥы студеннар спортивнай оонньууларын чэрчитинэн көҥүл тустууга күрэхтэһии ыытылынна. Бу күрэхтэһиигэ М.К. Аммосов аатынан Хотугулуу Илиҥҥи федеральнай университет хамаандата кытта сылдьар.

Хамаанданы тренердэр Будимир Яковлев уонна Егор Старостин салайан илдьэ сылдьаллар. Биир дойдулаахпыт, Дьаархантан Александр Авелов бу улахан күрэхтэһиигэ 3-с миэстэҕэ тахсан, боруонса мэтээл хаһаайына буолла. Александр Авелов оҕо сааһыттан тустуунан утумнаахтык дьарыктаммыта. Оскуолаҕа үөрэнэр кэмигэр Индия киин куоратыгар – Делигэ оҕолорго аан дойдутааҕы күрэхтэһии кыайыылааҕынан тахсыбыта. Кини бастакы тренерэ – СӨ үтүөлээх тренерэ Иван Васильевич Бурнашев. Александр Авеловы уонна кини тренердэрин ситиһиилэринэн эҕэрдэлиибит!
***

Ньурба улууһун дьаһалтатын пресс-сулууспата