«Прогресс» ХЭУо 2026 сыллааҕы «Дыгын оонньууларын» кыайыылааҕар 3 000 000 солкуобайы көрөр. Ону тэҥэ «СТК» тутуу тэрилтэтэ кыбартыыраны туруорар. Иккис миэстэ буолбут боотурга 2 мөл. солк. кэриҥэ сууманы туттарары быһаараллар. Үһүс миэстэҕэ «Ремстрой» тэрилтэ өрөмүөҥҥэ биир мөл солк туруорар.
«Дыгын оонньууларыгар» кыттыахтаах 16 бөҕөс аата биллэн, уолаттар билигин күүстээх дьарыкка сылдьаллар. Быйыл ыытыллар оонньуууларга кэккэ уларыйыы киирдэ. Ол курдук, оҕунан ытыыга урут биирдии сыал турар буоллаҕына, быйылгыттан иккилии буолуо. Хапсаҕайга тэҥҥэ түһүүгэ, охтууга, таарыйыыга мөккүөрдээх балаһыанньаҕа эмиэ уларыйыы киирдэ, ким бастакы хамнаныыны оҥорбукка баал бэриллэр буолуо.
Оставить комментарий