Курс валют
$
60.37
0.11
61.36
0.27
Курс валют
Курс валют
$
60.37
0.11
61.36
0.27
Меню
Поиск по сайту

Дьон өйдүүрүн тухары – киһи тыыннаах

13.12.2021 12:11 0
Дьон өйдүүрүн тухары – киһи тыыннаах

Күндүтүк саныыр коллегабыт, табаарыспыт Чурапчы оройуонун Одьулуун нэһилиэгиттэн төрүттээх Кардашевская Пелагея Молотовна бу дьыл сэтинньи ый 4 күнүгэр, 65 сааһыгар ыарахан ыарыыттан соһуччу биһиги кэккэбититтэн туораабыта номнуо 40 хонуга  буолла. Пелагея Молотовна 1955 сыллаахха тохсунньу ый 4 кунугэр Кардашевскайдар дьиэ кэргэннэригэр бастакы оҕонон күн сирин көрбутэ. Онус кылааһы Мындаҕаайы орто оскуолатыгар бүтэрэн баран Оскуола – Производство – Үрдүк үөрэх диэн девиһинэн төрөөбүт Одьулуунугар ыанньыксыттаабыта.  

Онтон 1975-1980сс. Саха судаарыстыбаннай университет тыа хаһаайыстыбатын факультетыгар зооинженер идэтигэр үөрэммитэ. Студенныыр сылларыгар эмиэ биир тарбахха баттанар чулуу студент этэ. Сайаҕас, барыга көхтөөх, тэрийэр дьоҕурдаах,  факультетыгар активистка, Мичээр” агитбригадаҕа солбуллубат конферансье этэ, мэлдьи кинини   дьуөгэлэрэ, бииргэ үөрэнэр табаарыстара тулалыыллара.

1980с. үөрэҕин бүтэрээт, Тыа хаьаайыстыбатын Министиэристибэтин анааһынынан Бүлүү оройуонугар “Мастаах” сопхуос Халбаакытааҕы отделениетыгар үлэтин зоотехнигынан саҕалаабыта, Барытыгар дэгиттэр билиилээх эдэр специалист  үлэ үөһүгэр түспүтэ. Анаммыт үлэтигэр бэриниилээх буолан  сүүрбэ сыл устата, бары күүһүн-кыаҕын ууран, ситиһиилээхтик үлэлээбитэ. Зоотехниктан саҕалаан,  кэлин сопхуосыһыллан производственнай кооператив тэриллибитигэр бэрэссэдээтэл солбуйааччытынан, профком председателинэн  тахсыылаахтык  үлэлээбитэ.

2000 сылтан 2001 сылга диэри Дьокуускайга “Бүлүү” ҮХАПХ ААУо бэрэстэбиитэлистибэтин дириэктэрэ. Ити кэмҥэ уопуттаах специалист тыа хаһаайыстыбатын министиэристибэтин иһинэн тэриллибит тыа хаһаайыстыбатын бородууксуйатын уонна сиэмэ хаачыстыбатын хонтуруоллуур инспекция специалиһынан, онтон салайааччытынан ананар. Манна кини 2011 сылга диэри үлэлиир. Онтон Дьокуускай куорат тыатын хаһаайыстыбатын управлениетын салайааччытынсолбуйааччытынан элбэх сыллар усталараайымньылаахтык үлэлээбитэ. Кэнники сылларга Пелагея Молотовна “Туймаада” Агрохолдинг АУо тыа хаһаайыстыбатын управлениетыгар салайааччынан ананан бэрт кэскиллээх үлэни ыыппыта.

Сатабыллаах тэрийээччи, ылыннарыылаах тыллаах үрдүк таһымнаах профессионал, көнө сүрүннээх доҕор, хаһан даҕаны санаатын түһэрбэт, олоххо ураты көрүүлээх киһи быһыытынан кини үлэлиир коллективыгар, алтыһар эйгэтигэр улахан ытыктабылынан туһанара. Олорор олоҕун астынара, үлэтин сөбүлүүрэ, кыайа тутара. “Аналлаах үлэбин лоп-бааччы толорон, кыайа-хото тутан сылдьарым миэхэ үчүгэй, санаабар астык”, – диир буолара.

Пелагея Молотовна өр сыллаах сыралаах үлэтэүрдүктүк сыаналанан, “Саха  Өрөспүүбүлүкэтин тыатын хаьаайыстыбатын үтүөлээх үлэһитэ” бочуоттаах аатынан, “Саха Өрөспүүбүлүкэтин тыатын хаьаайыстыбатын туйгуна” бочуоттаах знагынан, Саха Өрөспүүбүлүкэтин государственноһын бөҕөргөтүүгэ, социальнай-экономическай сайдыытыгар киллэрбит улахан тус кылаатын иһин Саха Өрөспүүбүлүкэтин Президенин, Правительствотын, Ил Түмэн, тыа сирин профсоюзтарын элбэх анал знактарынан, Бочуотунай грамоталарынан, махтал суруктарынан наҕараадаламмыта уонна бэлиэтэммитэ.

Пелагея Молотовна улахан  аймах баар-суох тумус туттар киһитэ, дурдата – хаххата этэ. Мэлдьи кини сүбэтинэн салайтараллара. Сүрдээх аймаҕымсах – уруумсах киһи этэ. Мэлдьи кэһиилээх-тутуулаах буолара. Балтыларыгар олус истиҥ сыһыаннааҕа.

Хатастааҕы дьиэлэригэр араас эриэккэс үүнээйилэри сөбүлээн үүннэрэрэ, күндүтүк санаан бүөбэйдиирэ, көрөрө-харайара. Эйэҕэс-сайаҕас, сайдам-дьэллэм буолан, үгүс доҕоттордоох этэ. Көрдөөх-нардаах, дьээбэлээх, кэпсээннээх буолан, үөрүүлээх түмсүүлэри көҕүлүүрэ, киэргэтэрэ. Оскуолаҕа, студент сылларынааҕы  бииргэ үөрэммит доҕотторун кытта мэлдьи бииргэ сылдьара.

Пелагея Молотовна кэргэн, ийэ, эбээ быһыытынан чугас дьонугар олус истиҥсыһыаннааҕа. Дьоҥҥо – сэргэҕэ элэккэй, табаарыстарыгар, доҕотторугар бэриниилээх этэ.

Кини ис эйгэтэ наһаа ыраас, баай, киэҥ, холку этэ. Сахалыы толкуйа, холку майгыта биһигини өрүү араҥаччылыы, харыстыы сылдьыа, онтон биһиги өйбүтүгэр – санаабытыгар, сүрэхпитигэр Пелагея Молотовна туһунан өрүү сырдык, үтүө өйдөбүл мэлдьи баар буолуо.  

***

«Туймаада Агрохолдинг» АО коллектива

Оставить комментарий    

Школа-интернат для неслышащих обучающихся
Шиномонтаж Левша

Красивые окна
СахаСтройПлит
Новостройки якт ру
Сахатранснефтегаз
Стоматология 32