Дьокуускайга ТӨРҮЧЧҮ оһуора турда

Бэҕэһээ “СилиС” общественнай түмсүү бөлөҕөр үөрүүлээх сонун тарҕанна:
-Дьокуускайбытыгар Төрүччү оһуора турда! Сахалыы санаалаах салайааччыбытыгар, мээргэ Евгений Николаевич Григорьевка тылбытын ылынан көмө-тирэх буолбутугар барҕа махтал!
Өр сыллаах уурунуу суругу сырдатар үлэ түмүгэ хамсатыылаах буолла, онон эҕэрдэ, доҕоттор!
Aartyk.Ru былыргы саха оһуордарын, бэлиэлэрин туһунан элбэх матырыйаал түһүмэҕин таһаарда. Уурунуу суругу кичэйэн үөрэтэр “СилиС” общественнай түмсүү уһуйааччыларыттан – Андрей Кривошапкин-Айыҥаттан, Батай Көстөкүүнтэн, Алгыстаах Ачыаттан, Бааха Уустан интервью ылан таһаарбыппыт.
Өбүгэ кистэлэҥ билиитэ оһуорга саһан сылдьар, оһуор-бичиги мээнэ алдьатыллыбат, хас биирдии оһуор-бичик эйгэҕэ дьайар, уурунуу сурук (руна) Үөһээ, Аллараа дойдулары, ол аата чараас эйгэни кытары үлэлиир диэн “силистэр” этэллэр.
Оһуор-бичик дьиҥ кода, быраабылата нууччалар кэлиэхтэриттэн алдьанан барбыт, уларытыллан-тэлэритиллэн сорох сороҕо абырыахтаахтар алдьатыылаах дьайыыламмыт. Символ, бэлиэ киһи олоҕор дьайар. Сыыһа оһуор кырыыска да кубулуйар. Ол курдук 2021 сыл – Доруобуйа сылынан биллэриллэн баран, символа төттөрү “өл-сүт” диэн суолталаммытын туһунан “силистэр” утарсан турбуттара. Ону тустаах салайааччылар ылымматахтара. “Сыыһа оһуору бичийэн пандемияҕа өлүү-сүтүү элбээтэ”, – диэн этэр дьон баар. Ону билигин кэлэн бэрэбиэркэлиир да, уларытар да кыахпыт суох.
Дьокуускайга Доҕордоһуу болуоссатыттан Кыайыы болуоссатыгар диэри уотунан сандаарар оһуор туруохтаах диэн сонун тарҕаммытын кэннэ, “силистэр” оһуор барылын көрөн сөбүлээбэтэхтэрэ: “Бу алгыстаах сурук буолбатах, алдьатыылаах сурук. Кырыыстаах оһуор аҥара көстөр. Итинник оҥоруу олох сыыһа”, – диэн суруйбуттара. Ити кэриэтээһини куорат баһылыга Евгений Григорьев ылынан, билигин уулуссаларга Төрүччү оһуорунан киэргэтиэх буолбуттар. Бастакы уоттар уулуссаларга иилиллэн эрэллэр.
***
Aartyk.Ru
Уруй-туску!
Бэрт хамнаныы буолбут. Киһи эрэ үөрэр. Үчүгэйинэн эрэ дьайа, сандаара турдун!!!
Баар бары бииргэ
Дьэ,хата учугэй хамсааьын буолбут.Соптоох киьилии сурук бичик тыл саца ойуу барыта суолталаах.Орто Азия5а тыьыынчаннан сыллар тухары мечеттерга суруйбуттара уйэлэр тухары Турар.Алгыс курдук.Биьиги кыра ычалаах ацала омуктарбыт Сахалыыны утаран соруйан барытын сыыьа оцороллор тацналлар.Оьуохайы мэнээх ыстацалааьын.Хомуьу сутуруктарынан то5о тадыы.Олоцхо чабыргах буолла.Утары булан конноруц.Арыгыны эмиэ соруйан туьэрэн Саха саарыннарын аатынан ааттыыллар.Миэрэтэ ылан тохтотуц.
Онтон того сыыьа ойдобуллээх оьуордары киэн аранага таьаарбаттар?
Вообще, орнаментальное искусство якутов складывается в XVII-XVIII вв. и развивается в XIX в. Огромное влияние на ее стилистику оказали древнетюркские, степные мотивы, так и орнаментальное искусство русских и народов Дальнего Востока.
В растительной орнаментике имеются мотивы, традиционные для орнаментальных культур, связанных с Востоком, Передней Азией, что позволяет отнести якутскую растительную орнаментику к восточному стилю. Вместе с тем некоторые виды и формы якутского народного искусства несут на себе печать европейских стилей барокко, классицизма.
Онон никакой мистики! “Силискэ” биир да5аны биллэр ученай суох, кроме физик Айынаттан ураты.
Атын омуктартан кэлбит узордар, орнаменнар тугунан дьайан тахсыахтара биллибэт.