Эһигини Улуу Өктөөп өрөбөлүүссүйэтэ 108 сыла туолбут күнүн  бырааһынньыгынан эҕэрдэлиибит. Бүгүн биһиги дойдубут историятыгар биир бэлиэ түгэни — 1917 сыллааҕы Өктөөп өрөбөлүүссүйэтин ахтабыт.

Алтынньыга төрөөбүт Сэбиэскэй судаарыстыба 74 эрэ сыл уһаатар, бары эйгэҕэ үрдүк таһымнаах сайдыыны уонна ситиһиини көрдөрөн хаалларбыта. Үөрэхтээһин, доруобуйа харыстабыла, үлэ бырааба, биэнсийэ, гендернай тэҥ быраап, норуоттар икки ардыларынааҕы доҕордоһуу Улуу Өктөөп өрөбөлүүссүйэтин өҥөтө, ону биһиги күн бүгүҥҥэ диэри туһана сылдьабыт.

Оттон пролетарскай өрөбөлүүссүйэ сүрүн түмүгэ уонна ситиһиитэ — урукку империя бары норуоттарын, омуктарын саҥа тирэххэ, саҥа принциптэргэ түмпүт Сэбиэскэй Сойуус тэриллээһинэ этэ. Улуу Өктөөп өрөбөлүүссүйэ суоҕа буоллар, 1945 сыллаахха Аҕа дойду Улуу сэриитигэр кыайыы да, бастакы спутник уонна Юрий Гагарин көтүүтэ, ядернай сэбилэнии оҥоһуута, ядернай энергетика сайдыыта уонна космоһу чинчийии да суох буолуо этэ. Дьон ССРС кэмигэр наука, социальнай политика, промышленность, космос сайдыыта, национализм суоҕа, политическай сабыдыал, сокуон иннигэр тэҥ буолуу ситиһиилэрин билигин даҕаны өйдүү-саныы сылдьаллар, киэн тутталлар.

Бу күн бары дьоммутугар эйэни, үтүөнү эрэ баҕарабыт. Эһиги дьиэ кэргэҥҥитигэр эйэ-дэмнээх буолуу, бэйэ-бэйэни өйдөһүү баһыйдын. Үөрүүлээх бырааһынньыгынан! Улуу Өктөөп өрөбөлүүссүйэтин күнүнэн!

***
Норуот дьокутаттара Г.Р. Балакшин, В.М. Прокопьев