Дьаҥ ыарыытын утары охсуспут оперативнай штаб чилиэттэрин эҕэрдэлээтилэр

Ахсынньы 29 күнүгэр, улуус актовай залыгар оперативнай штаб чилиэттэрин төгүрүк остуол тула сүбэ мунньаҕа тэрилиннэ. Оперативнай штаб салайааччыта Анатолий Григорьев билиҥҥи туругунан уопсай балаһыанньаны сырдатта.

Мунньах түмүгэр дьаҥ ыарыытын утары үлэлээбит оперативнай штаб чилиэттэрин таһаарыылаах үлэлэринэн эҕэрдэлээн туран, Сунтаардааҕы Роспотребнадзор салайааччытыгар Андрей Федоровка «Сунтаар улууһа (оройуона)» муниципальнай тэриллии доруобуйа харыстабылын сайдыытыгар кылаатын иһин» Бочуотунай бэлиэннэн наҕараадаланна, Сунтаар улууһун култууратын уонна айылгытын саламтатын салайааччытыгар Мария Кобельянова «Сунтаар улууһа (оройуона)» муниципальнай тэриллии култууратын сайдыытыгар кылаатын иһин» Бочуотунай бэлиэ туттарылынна.

Анатолий Филатов салайааччылаах Сунтаардааҕы ис дьыала үлэһиттэригэр, Сунтаардааҕы «Саха» НКИХ суруналыыһыгар Ольга Захароваҕа уонна Александра Васильева салайааччылаах 28 №-дээх аптека коллективыгар махтал суруктар туттарылыннылар.

СӨ Ил Түмэн депутатын Андрей Николаев аатыттан улуус депутаттарын Сэбиэтин бэрэссэдээтэлэ Ульяна Попова уонна ону сэргэ «Биир Ньыгыл Россия» политическай партия аатыттан Сунтаардааҕы олохтоох отделениетын исполкомун салайааччыта Борис Уларов Сунтаар улууһун кылаабынай бырааһын эмтиир үлэҕэ солбуйааччытыгар Константин Павловка уонна доруобуйа харыстабылын үлэһиттэригэр улууспут дьонун–сэргэтин олоҕун араҥаччылыырга сөҕүмэр түбүктээх үлэлэригэр истиҥник махтанан туран бэлэхтэри туттардылар.

***

«Сунтаар улууһа (оройуона)» муниципальнай оройуон дьаһалтатын пресс-сулууспата