Дьабака, чомпой бэргэһэ, саһыл саҕа, ыт саҕынньах…Солоҕоҥҥо муҥха урукку кэми санатта
Сэтинньи 15 күнүгэр Горнай улууһун Солоҕон нэһилиэгин Сытыган күөлүгэр, Улуу худуоһунньук Афанасий Осипов «Муҥха» (1984 с.) хартыынатын тыыннааҕымсытар сыаллаах улахан муҥха тэрилиннэ.
Муҥхаҕа ыраахтан-чугастан ыалдьыттар, барыта 90-тан тахса кэриҥэ киһи муһунна.
Муҥханы Солоҕон нэһилиэгин дьаһалтата иилээн-саҕалаан тэрийдэ. Бу муҥха сүрүн уратытынан Афанасий Осипов уруһуйдаан хаалларбыт хартыынатын дьиҥ олоххо көрдөрүү буолла. Историческай түгэҥҥэ күөлгэ киирэр муҥхаһыттар бары урукку кэм таҥаһын-сабын кэтэн, малын-салын туттан ол кэми эргитэн ыллылар.
Улууспут олохтоохторо бары даҕаны эбээлэрин, эһээлэрин таҥастарын, малларын уура сыппыттара, кэппиттэрэ кэлбит эрэ дьону барыларын сөхтөрдө.
Түмүккэ, нэһилиэк кыра Сытыган күөлэ кэлбит дьону барыларын көмүс хатырыктааҕынан күндүлээтэ.
Онон быйылгы ураты муҥха уос номоҕо буолан, дьон өйүгэр-санаатыгар сүппэттии хааллаҕа. Махтал түмсүүлээх нэһилиэккэ, Махтал Солоҕон дьонугар!
Күннэй Алексеева, Виктор Семенов хаартыскаҕа түһэриитэ
Обсуждение • 6
Добавить комментарийОставить комментарий
Шиномонтаж Левша
Cтоматология 32
Дьэ бэт тэрээhини толкуйдаан ыыппыттар. Былыргыны былыт саппыта диэбэккэ👏👏👏 Улуу худуоhунньук хартыынатын тыынна5ытымсытар улахан хай5абыл эрэ буолбатах, маладьыастар Соло5оттор.
👍👍👍Бэт тэрээһин.
Маладьыастар👍
Ханна баар сирий.Киьи барыта билбэт сирдэр ааттарын.Ханна эрэ урэх баьа.Суруйаары суруйан сиьилии сирин уотун нэьилиэгин улууьун аатын суруйууц.Радио5а ТВ эмиэ итинник.Сир тугэ5ин аатын этэллэр эрэ.Ханна бара биллибэт.Тэрээьин бэрт.О5олору эдэрдэри кытыннарыц.Кыаммат дьоццо балыкта бэрсиц.
Эн бастаан сирийэн аах, онтон мөҥүтүн ээ. Саҕаланыытыгар сурулла сылдьар: “Сэтинньи 15 күнүгэр Горнай улууһун Солоҕон нэһилиэгин Сытыган күөлүгэр, Улуу худуоһунньук Афанасий Осипов «Муҥха» (1984 с.) хартыынатын тыыннааҕымсытар сыаллаах улахан муҥха тэрилиннэ”.
Источник: Aartyk.ru
Эн бастаан сирийэн аах, онтон мөҥүтүн ээ. Саҕаланыытыгар сурулла сылдьар: “Сэтинньи 15 күнүгэр Горнай улууһун Солоҕон нэһилиэгин Сытыган күөлүгэр, Улуу худуоһунньук Афанасий Осипов «Муҥха» хартыынатын тыыннааҕымсытар сыаллаах улахан муҥха тэрилиннэ” диэн.