ДЬАҤТАН, ТУМУУТТАН ХАРЫСТАН!

Бүгүн, олунньу 16 күнүгэр, дьаҥ, тумуу элбээн Физико-техническэй лиссиэй карантиҥҥа барда диэн Дьокуускай куораттааҕы үөрэх салалтата иһитиннэрдэ. Маны тэҥэ, 29 оскуолаттан 107 кылаас, 8 уһуйаантан 10 бөлөх карантиҥҥа олорор.

ЫАРЫЫТТАН ХАРЫСТАНАР СҮБЭЛЭР:

• Элбэх дьон мустар сиригэр сылдьартан туттун.
• Тумуулаабыт киһини кытта алтыһыма.
• Илиигин сууна сырыт, кирдээх илиигинэн сирэйгин-хараххын тыытыма.
• Уопсастыбаннай тырааныспарга, балыыһаларга, улахан маҕаһыыннарга мааскалаах сырыт. 2 чаас буола-буола онтугун уларыт. 
• Дьиэҕин, үлэлиир хоскун салгылата сырыт.
• Дьиэ иһигэр салгын сиигин таһымын көр, кураанах салгын киһи тыынар уорганнарыгар куһаҕаннык дьайан вируһу хабарга төрүөт буолар. 
• Чөл олоҕу тутус: күннээҕи аскар фруктаны, оҕуруот аһын, битэмииннээх аһы элбэт.
• Уугун ханар курдук сөпкө утуй: 7-9 чаас утуйар киһи туруга тупсар, организма ыарыыга бэриммэт буола бөҕөргүүр. 
• Ыалдьаары гыммыккын биллиҥ да, бэйэҥ эмтэммэккэ, бырааска баран көрдөр.

Сыл аайы тумууну утары быһыыта ыл.

Маннык судургу сүбэлэри тутуһа сырыттаххына эрэ, бэйэҕин уонна чугас дьоҥҥун ыарыыттан харыстыах тустааххын! 

***
ЧОХООН каналтан