«Биһиги маннык толкуйдуу үөрэнэн хаалбыппыт: «Минньигэһи сиэхпин баҕарар буоллахпына – мэйиигэ глюкоза тиийбэт». Дьиҥэр, бу үксүгэр аһыыр үгэс уонна хааҥҥа саахар таһымын хамсааһыныттан тахсар. Ол гынан баран, эт-хаан кырдьык биһиэхэ араас бэлиэлэри ыытыан сөп», – диэн быраас быһаарда.
Кини этэринэн, сакалаат туһунан санаа киһи мэйиититтэн арахпат буоллаҕына, ити магний тиийбэтин туоһулуон сөп. Бу түбэлтэҕэ сакалааты кунжут, чиа сиэмэлэринэн, эриэхэлэринэн солбуйуохха сөп, оттон отой сакалааты сиэххин баҕардаххына, биир-икки кыырпах аһыы, хара сакалааты сиэххэ сөп. Килиэп астары, бичиэнньэ эбэтэр макарон сиэххин баҕардаххына, ити оһоҕос микробиотатыгар кыһалҕа баарын уонна саахар хамсыырын көрдөрүөн сөп. Оҕуруот астарынан, отоннорунан, туорахтаахтарынан аһылыгы байытыахха сөп.
«Хааҥҥа саахар таһыма эмискэ хамсыырыттан эрэйдэнэр буоллаххытына уонна минньигэскэ күүскэ хардарар буоллаххытына, глюкоза таһымын бигэргэтэргэ омега-3 сыалаах астар көмөлөһүөхтэрин сөп (кинилэр сүһүрүүнү намтаталлар). Аскытыгар сыалаах балыгы, грецкэй эриэхэни, оливковай арыыны эбиҥ», – диэн исписэлиис сүбэлиир.
Ол эрээри, туох эрэ минньигэһи сиэххин баҕардаххына, кырдьык көмөлөһөр доруобай солбуктары боруобалыахха сөп: винограды, бананы эбэтэр мангоны тоҥордоххо, дьиҥнээх сорбет тахсар. Финик иһигэр грецкэй эриэхэни эбэтэр миндалы уган, кокос стружкатыгар уонна какаоҕа бүрүйдэххэ, бэйэ оҥоһуута кэмпиэттэр тахсаллар. Сороҕор мэйиигэ калория буолбакка, чаҕылхай амтан эрэ наада буолар – буолар-буолбат саахара суох морстар эбэтэр лимоннаах уонна мяталаах уу сөп гынар.
«Минньигэскэ баҕарыы 15-20 мүнүүтэ тулуйдахха, биир ыстакаан ууну истэххэ, уонна тыыннахха ааһыа. Бу «импульсу кэтэһэн аһарыы» диэн ааттанар. Ити кэм иһигэр саахар таһыма тэҥнэһэр, сымыйа аччыктааһын чугуйар», – диэн нутрициолог бэйэтин сүбэтинэн үллэстэр.
***
Ааптар: Саха Сирэ
Оставить комментарий