Бүлүү бөлөх улуустарыгар “Гражданскай өрөбүл” семинар-практикум ыытылынна

Олунньу 25-тэн кулун тутар 1 күнүгэр дылы Сунтаар улууһугар Дьокуускай куораттан делегация СӨ Уопсастыбаннай Палата бэрэссэдээтэлин солбуйааччы Елена Шудря, СӨ ыччат дьыалатын Министиэристибэтин социальнай коммуникацияҕа исписсэлиис Катерина Адамова, “Подросток” Дьокуускайдааҕы уопсастыбаннай хамсааһын исполнительнай дириэктэрэ Александра Антонова, Горнай улууһун дьаһалтатын социальнай бэлиитикэ салаатын начальнига Ксения Васильева, “Ассоциация консультантов, финансистов, аудиторов» ресурснай киинтэн Мичилия Гурьева уонна Галина Николаева, кэммиэрчискэйэ суох тэрилтэлэри координируйдуур ресурснай киинтэн Надежда Ноговицына, ЯРО ВОД «Волонтеры Победы» салайааччыта Алгыс Петров, эдэр ыччат уопсастыбаннай түмсүү ресурснай киинин директора Геннадий Охлопков уонна Горнай улууһун ыччат бэлиитикэтин сүрүн исписсэлииһэ Сардаана Туралысова кэлэн семинар – практикум ыыттылар. Семинарга кэммиэрчискэйэ суох тэрилтэлэргэ уонна граҥҥа кыттар дьоҥҥо дөкүмүөн толоруутугар сүбэ-ама биэрдилэр.

Ыччат бэлиитикэтин салаатын салайааччыта Евгений Данилов делегация кыттыылаахтарыгар билиҥҥи кэмҥэ туһалаах көрсүһүү буолбутуттан махтанан туран маннык туһалаах семинардар инникитин өссө да ыытылла туралларыгар баҕа санаатын эттэ.

***

 “Сунтаар улууhа (оройуона)” муниципальнай оройуон дьаһалтатын пресс – сулууспата