«Былырыын донордар ахсааннара 16 тыһ кэриҥэ буолбута. 2024 сылы кытта тэҥнээтэххэ, бу икки тыһыынчанан элбэх. Донордар хааннара элбэх киһи олоҕун быыһаата», – диэн Алена Филиппова эттэ.
18 саастарын туолбут, 50 киилэттэн ордук ыйааһыннаах дьон хаан туттарыахтарын сөп диэн кини бэлиэтээтэ. Ол курдук, «Бочуоттаах донор» аатын 40 уонна 40-тэн тахсата хаанын туттарбыт киһи ылар. Сылга эр дьон элбээбитэ биэстэ, оттон дьахталлар түөртэ туттаралларын сүбэлииллээр. Бочуотаах донордарга сыллата төлөбүр көрүллэр. Бу сылга төлөбүр суумата 10 тыһ тахса солк тэҥнэстэ. Бочуоттаах донордары мэдиссиинэ тэрилтэлэригэр уочарата суох көрөллөр, ону тэҥэ үлэлэригэр уоппускаларын табыгастаахтык талар кыахтаахтар, санаторийдарга сынньанарга, путевкалары ыларга бырааптара ордук буолар.
Дьокуускайга хаан туттарар ыстаансыйа аадырыһа: Петр Алексеев уул., 87. Тэрилтэ салаалара бастакы нүөмэрдээх өрөспүүбүлүкэтээҕи балыыһаҕа – мэдиссиинэ национальнай киинигэр, Нүөрүҥгүрүгэ, Алдаҥҥа, Лиэнскэйгэ, Мииринэйгэ, Үөһээ Бүлүүгэ, Мэҥэ Хаҥалас Майа сэлиэнньэтигэр бааллар.
Оставить комментарий