Буулдьанан ытыыга улуустааҕы аһаҕас күрэх ыытылынна

Муус устар ый 28 күнүгэр Хаҥалас нэһилиэгэр В.Т. Иванов аатын сүгэр спорт саалатыгар улуус баһылыга Иннокентьев А.М. бирииһигэр ыытыллар күрэхтэрбититтэн үһүс көрүҥҥэ буулдьанан ытыыга ыытылынна. 

Ол курдук, маҥнайгы күрэх киберспорка, иккис күрэх волейболга ыытыллыбыттара. Бүгүҥҥү күрэххэ, барыта 10 хамаанда кыттыыны ылла. 10 м ыраахтан, үс балаһыанньаҕа 30 зачетнай ытыыны ытан уопсай түмүк оҥоһулунна. 

Түмүккэ кыайыылааҕынан🏆 – Хаҥалас нэһилиэгин хамаандата тахсан 30 тыһ. солк суммалаах сертификатынан, иккис миэстэ🥈 – С. Васильев аатынан Ньурба 1-кы нүөмэрдээх орто оскуолатын хамаандата 20 тыһ.солк., үһүс миэстэ🥉 – Чаппанда нэһилиэгин хамаанда – 10 тыһ. солк.сертификаттарынан наҕараадаланнылар.

Кэлэр күрэхпит бэтэрээннэргэ волейбол көрүҥэр Октябрьскай нэһилиэк А.И.Пахомов аатын сүгэр спорт саалатыгар   муус устар ый 30 күнүгэр ыытыллыа.  

Улуустааҕы физическэй култуура уонна спорт управлениета.

***

Пресс-служба МР «Нюрбинский улус»