Булчут сиэрэ-туома

САХА КИҺИТЭ БУЛЧУТ

Үтүө, көнө майгылаах киһи үтүө булчут буолар. Булчут киһи бэйэтин туһунан мээнэ кэпсэммэт. Сылбырҕа, мүччүргэннээх кэмҥэ уолуйбат, киэҥ көҕүстээх, наада буоллаҕына быһаарыныылаах, күүстээх-уохтаах, сырыыны-айаны тулуйар, хорсун, эр санаалаах буолар. Булчут тыаҕа сылдьарыгар сиэри-туому тутуһуохтаах. Булт кэнэҕэһин үөскүү-төрүү турарыгар кыһаныахтаах. Чугас аймаҕа өлбүт буоллаҕына, бултуур түөрт уон хонуктаах ахтыыта ааһыар диэри, тохтуохтаах.

Бултуу сылдьан өрүсүһүү, атын киһиэхэ туһаайыллыбыт булду эккирэтэр сатаммат – булдуҥ ханнар, көтөр-сүүрэр тэйэр. Булчут өлөрбүт булдун хайаан даҕаны туһаныахтаах, сытытыа-ымытыа суохтаах. Ол иһин чугастааҕы ыалларыгар бэрсиэхтээх, үллэстиэхтээх. Атын булчут булдун көҥүлэ суох ылбат.

***

Aartyk.ru