Бүгүн тохсунньу 31 күнэ – Томороон тымныылаах тохсунньу бүтэһик күнэ

Бу күн Дьыл Оҕуһун муоһун уһуга сыппыыр, кылаана кыларыйар. Улахан тымныылар  бүтэллэр.

Былыргы сахалар сулустарынан күнү-дьылы  кэтээн көрөллөрө. Телец сулустар бөлөхтөрүн Дьыл Оҕуһа диэн ааттыыллар эбит.  Бу кэмҥэ, ити сулустар бөлөхтөрүн муоһу көрдөрөр өттө улам-улам көстүбэт буолар эбит. Икки муостан биирдэстэрэ, олунньу 12 күнүгэр халлаан сырдаан көстүбэт буолар, ону көрөн Дьылбыт Оҕуһун бастакы муоһа түспүт дииллэрэ. 

Олунньу ыйга үктэнэрбит биир эрэ хонук хаалла. Күммүт уһаан, саас кэлэрин кэтэһэн сүргэни көтөҕөр үчүгэй даҕаны!

***
ЧОХООН каналтан